更新時間：09:00 2026-10-04
發佈時間：09:00 2026-10-04
發佈時間：09:00 2026-10-04
無綫的旅遊節目《自然系女子旅行》系列，在網上迴響極大，除了有台灣啦啦隊女神加持，主持人林映暉（暉哥）憑住豐滿身材及真性情，更被網民捧為「港女之光」。提到「暉哥」這個響噹噹的綽號，她笑着解說：「因為我個名叫林映暉嘛，個『暉』字，啲人覺得『哇，好男仔』，跟住就搞笑咁叫我『暉哥』囉，其實我屋企人叫我『暉仔』嘅。」雖然「暉哥」聽落頗有江湖味，但她坦言非常接受。
談到入行經歷，在台灣讀完表演藝術學士及藝術行政與管理碩士的暉哥，娓娓道來：「當時讀緊碩士二年級，TVB製作組想喺嗰邊搵一個識講廣東話嘅女仔做主持人，就係咁開始咗我做主持人嘅生涯。」其實，暉哥的最初目標是想做唱跳歌手，不過對於目前的主持工作，她亦非常滿意：「我發現做主持人都好正喎！拍飲食節目可以食好多唔同嘅好嘢，拍旅遊節目，又可以公數咁樣飛去唔同地方！」
節目中，暉哥換上多款比堅尼，震撼不少觀眾眼球，更有網民質疑她「露得太遲」，她對此大方剖白：「太遲？其實我唔係太遲嘅，因為第一、二輯，我仲係學生身份，就會有少少避忌着比堅尼，但𠵱家真係變咗一個藝人嘅身份，啲前輩就話，其實喺適當嘅場合着番適當嘅衫，就唔需要咁驚。」
最Hit
