更新時間：11:35 2026-09-18
發佈時間：11:35 2026-09-18
發佈時間：11:35 2026-09-18
《中年好聲音3》第10強的曹越，近來重整婚姻，回復單身，全靠父母的關懷和支持走過感情低谷。向來跟父母關係要好的她，經常一家三口去旅行，但因之前疫情影響，近日終於再度成行，一拖二自由行出遊到雲南11 日，主打去了大理、麗江、瀘沽湖、香格里拉等。
曹越透露整個行程，由自己一手一腳打造，經網上做好攻略，便着手安排。她說︰「成個旅費不便宜，都要成3萬，但趁爸爸媽媽行得走得，值得嘅。」由於雲南風景幽優美，她直言處處都是打卡點，旅程難忘，「瀘沽湖好靚，當地仍有現代少有嘅母系社會，體驗到摩梭人嘅走婚制，同佢哋傾偈都好有得着。仲喺香格里拉嘅納帕海草原騎馬別有一番滋味。好多高海拔嘅山，都係我自己一個人爬上去的，深刻感覺到爸爸媽媽已經年紀大咗，行兩步路已經好喘。（有否艷遇）冇，不過雲南嘅男仔都幾靚仔。」
至於，曹越此行還一嘗高海拔的體驗，先後勇闖3966米的蒼山和4680米的玉龍雪山，事後也出現高山反應，她說︰「我本來以為冇乜高原反應，只係成日去廁所『便便』，最高峰嘅時候一日去六次，我真係估唔到人類嘅腸道竟然可以藏咗咁多『便便』。我爸爸話佢哋去旅行係洗滌心靈，我就洗滌腸胃。哈哈。最後去到香格里拉，我開始感冒喉嚨痛，返到香港仲發燒，可能呢個都係高原反應嘅一種。」她推介瀘沽湖一定要去，因為湖水是好靚的藍色，而到訪香格里拉草原，一定要騎馬。而在旅遊高海拔的地方，周街的便利店都有賣氧氣，最終她爸爸在回程時買了一個，並用打火機測試，結果冇反應，相信是假的，叮嚀大家不要花錢買。
延伸內容︰回復單身 曹越深圳2千呎後花園「叉電」
最Hit
