發佈時間：17:29 2026-09-04
41歲的張致恒（Steven）與老婆區燕雯（雯雯）結婚後育有四子，一家六口經濟常陷入困境。近日張致恒接受網上節目《健康嗎》訪問，談到二兒子張天牧確診自閉症及過度活躍症的心路歷程。
張致恒談到二仔病情難掩心酸
張致恒談到二仔的病情時，難掩心酸，他透露兒子情緒容易急躁，曾試過在睡夢中將手伸進尿片把便便抹滿整面牆，甚至會有撞頭、咬自己等自傷行為。「我係一個好眼淺嘅人，一講到重點我就想喊，好怕佢不懂得照顧自己，怕人地去排擠佢。好希望我死之前，可以見到佢有一個正常嘅生活，識得自己去廁所、食飯、自理。佢試過有一次玩完搞到手足口病，跟住之後個嘴爛咗，試過瞓瞓下覺，睜大眼睇到佢成身都係血。佢因為個嘴爛咗，佢唔識講，佢用隻手去刮、去拔，搞到成身周圍都係血。」儘管家庭經濟與妻子的心理狀態瀕臨崩潰，張致恒仍努力展現父愛與改變的決心，並坦言：「自從知道佢有呢個病之後，我整個人就會喺度諗，我其實係應該放棄更加多我自己本身嘅嘢去輔助佢成長。」
做搬運工人揾錢養家
張致恒坦言昔日很貪玩，是一個不負責的人，自從生了小朋友做了爸爸後，已經改變了很多，為了家計，他除了在物流公司擔任搬運工人外，亦積極尋求娛樂圈的商演機會。面對網民勸他「正正經經打份工、勿再發明星夢」的言論，張致恒直言自己已非當年不計後果的大男孩：「生咗小朋友出來，你就一定要負責，真係好累，近呢三四年白髮都吐晒出嚟！但被別人講兩句又不會死，最緊要可以賺多些錢保障屋企。」張致恒的這番真情告白與實際行動，亦意外打動了不少網民：「係元朗見過佢，係好爸爸，照顧小朋友親力親為」，亦有網民留言稱讚與鼓勵：「張致恒真的成熟了，希望你和你的仔仔繼續一齊成長進步」、「真心希望 Steven 頭家愈來愈好。多啲商家搵你商演！養4個小朋友真心不易，加油！」。
老婆雯雯放負 疑妻離子散
Steven決心為家庭拼搏，不過老婆雯雯連日來在IG上頻頻「放負」，近日更表示：「面對現實，4 個分開先係負責任」，其後更證實「正在安排 4 個分開」，引起網友們猜測雯雯決心搬走，四子將被分開安置。
面對「妻離子散」淒慘結局的猜測，Steven罕有在IG限時動態發文，以黑底白字表示「唔通今次真係冇路行。。。。。」，回應馬上引起網民無限揣測，認為Steven間接證實雯雯決心搬走分開，四名仔仔現時亦被迫分開安置，夫妻關係已到無法挽回的局面。
延伸內容 : 張致恒自力更生靠勞力賺錢養家 遺傳媽媽荷蘭人優良基因 小時曾任模特兒
延伸內容：張致恒為養家做咕喱 直擊黑雨送雪櫃 好老闆預支薪水租屋住
延伸內容：張致恒抹唔甩地盤膚色 黑得有道理
延伸內容：揭張致恒 街頭拉電纜日賺1千蚊
