發佈時間：16:03 2026-08-17
TVB娛樂訪談節目《一周星星》昨晚（8月16日）請來喜劇電影《功夫女足》導演兼編劇周星馳（星爺）、影后劉嘉玲、聯合導演林子聰及參演演員蔡思貝、張繼聰，接受嘉賓主持黎芷珊訪問，分享鏡頭背後鮮為人知的趣事。
星爺、嘉玲姐罕有同框
能夠同框請到兩位「星級中的星級嘉賓」大駕光臨，芷珊直言深感榮幸，並笑問與星爺究竟多久沒見？星爺即發揮無厘頭本色：「冇幾耐啫，四十年到之嘛！」芷珊秒回：「我十歲嗰陣未做兒童節目。」這番話令不知道兩人曾一齊主持兒童節目的嘉玲姐驚訝高呼：「Oh my god！」星爺隨後再出招，指芷珊是看着自己入行，芷珊沒好氣地搞笑反擊：「佢嗰時係童星嚟嘅！」
星爺爆嘉玲姐：你都冇當過我係導演！
談到拍攝《功夫女足》的點滴，嘉玲姐問星爺為何不安排她落場踢波：「我年紀大呀？」星爺即指她為何不早點開口：「你嗰時問我做啲乜嘢？唔使郁㗎嘛？」嘉玲姐其後認真表態：「NG幾多次我都畀你NG，雖然我覺得自己好好。」不過星爺隨即「踢爆」對方極有主見，每當想向她講解一場戲如何演出時，她總會拋下一句：「唔使講喇！」嘉玲姐聽罷大反應澄清，強調自己絕不會如此對待導演：「雖然你係我朋友……」誰知未講完，星爺已搶着說：「你都冇當過我係導演。」此話一出，全場拍手爆笑。
兩位巨星相識多年，互窒起來自然毫不客氣，但又不損友誼。嘉玲姐大舉「控訴」星爺私底下的作風，直指對方每次回答問題超級敷衍：「佢一啲都冇改到啊」、「答埋啲嘢都係嗰幾個字，答咗又好似冇答咁。」面對連番指控，星爺一臉無辜地為自己平反：「好真誠㗎！」場面相當惹笑。
嘉玲提出星爺同梁朝偉合作
嘉玲姐在訪問期間，突然提出說：「其實我一路都想佢（星爺）同梁生……」此話一出，全場瘋狂起哄。芷珊興奮表示要靠嘉玲姐出馬幫手遊說梁朝偉，並順勢追問星爺有沒有可能，星爺表示他和梁朝偉早於多年前《430穿梭機》已經合作過，他亦霸氣表示：「冇嘢係冇可能！」全場拍手歡呼，為影迷留下無限遐想空間。
至於同場的林子聰、蔡思貝及張繼聰，全程乖乖在旁「觀戰」食花生，當芷珊表示：「我要同三位傾吓偈先，我驚冷落咗你哋。」三人竟異口同聲地說：「唔使㗎！」蔡思貝更說：「好好聽呀」、「你哋繼續傾啦。」
