更新時間：18:21 2026-07-30
發佈時間：18:21 2026-07-30
發佈時間：18:21 2026-07-30
「TVB小花」郭珮文、李芷晴、鄧伊婷（汁汁姐）及「最索經埋人」林寶玉（Connie）早前現身尖沙咀某酒店品嚐榴槤自助餐。她們除了大吃特吃，還即場跟專人學開榴槤；為了成功，大家出盡九牛二虎之力，李芷晴開到喘晒氣，有做開運動的郭珮文和鄧伊婷還算應付自如，但講到最煞食必是林寶玉，邊開邊晒事業線兼講有味笑話，笑爆全場。
現場任食最愛「黑刺」
郭珮文、李芷晴、鄧伊婷和林寶玉身為榴槤鐵粉，見現場有逾10款榴槤品種任食，攞完一碟又一碟，個個對「貓山王」、「黑刺」和「紅蝦」都讚不絕口。因榴槤全是即開即食，眾人見到均表示想學開榴槤，隨即搵嚟專人「榴槤B哥」教路，沒想到幾個步驟真的考起她們。
鄧伊婷郭珮文應付自如
「汁汁姐」鄧伊婷率先上陣，雖然她有戴防護厚手套，但單手捧着時仍覺得有點刺手。榴槤B哥表示一個榴槤大約有5至6房，愈多房件數就愈多，此時林寶玉即搞笑表示要做「大房」兼提示眾人記得戴套（手套）。鄧伊婷在榴槤B哥講解下，一步一步嚟總算開到，成功後她開心揮手；而郭珮文則沉着應戰，想不到纖瘦的她，也好快搞掂。
延伸內容：鄧伊婷N次做小三 成TVB「御用邪花」有個猛料姑姐 因一件事成「汁汁姐」
延伸內容：郭珮文現身尖沙咀貼身衫顯身形 5分鐘見證「天然呆」美人不是傳聞
李芷晴喘晒氣林寶玉晒事業線
此時在旁的李芷晴稱：「我真係冇乜信心，連揸唔揸得穩個榴槤都有啲擔憂。」最初她出盡力去開都不成功，搞到喘晒氣，有點失望的她最終在榴槤B哥協助下完成。輪到林寶玉，有了之前3位的示範，她似乎駕輕就熟，還邊開邊晒事業線，當成功開到時，她笑言：「大房即係大房，你睇幾大！」開出來見到滿滿的榴槤，她續稱：「嘩！真係好大粒吖！」笑爆全場。
最Hit
