發佈時間：16:35 2026-07-13
陪伴觀眾9年的TVB長壽處境劇《愛·回家之開心速遞》已經正式完成拍攝工作，宣告一個時代的終結，而緊接陪同觀眾過每一個晚上的就是全新處境喜劇《愛．回家之三代同糖》。今日 ( 7月13日 ) 車婉婉、吳若希（Jinny）、李茵彤（Desta）、李偉健、關曜儁、趙浚承（Gary）及何依婷（Regina）等演員出席《愛．回家之三代同糖》開鏡拜神儀式，展開錄影廠內景拍攝，並祈求新劇順利於8月10日（周一）播出，並延續王牌收視保證地位。
車婉婉孖「孫女」接受訪問
《愛．回家之三代同糖》女主角車婉婉與「孫女」李茵彤在儀式後接受訪問，婉婉透露此前兩日拍攝全數為外景部份，在炎熱天氣、沒有冷氣相當煎熬：「將大家嘅演技連埋面油擠晒出嚟！」笑指大家縱然受天氣影響仍「脾氣好好」、同心協力盡快完成拍攝，戲份集中於自己與吳若希之間至關重要的場口，在短篇幅內交代唐曹嘉冰與女兒唐萬里之間的心結，對開工首兩日的結果感到滿意：「一take搞掂！安全起見有拍第二take，我自己係滿意嘅！」
李茵彤坦言面對外景，較容易進入狀態，不過自己都仍有許多進步空間：「NG嚟講我確係比較須時，要畀大家執下狀態。」婉婉作為前輩亦不忘提醒，導演與大家都會提點、從旁輔助，請她亦不要嫌大家長氣。
趙浚承爆同吳若希16年前已結「緣」
另外，在劇中飾演歡喜冤家的吳若希和趙浚承受訪時，已經顯得甚有默契，吳若希大讚拍檔好靚仔：「黐線！佢真係好靚仔、開機之後更靚仔，又Charm，打燈落去直情似韓星一樣！」趙浚承坦言二人在合作前不算熟悉，曾覺得Jinny氣場強大，拍劇後才發覺其實非常好人與友善，令Jinny打趣表示：「係呀我平時會『食人』，喺屋企咬我小朋友手手腳腳！」趙浚承則透露其實在16年前已有一份緣份：「我哋讀同一間中學，當時冇見過，但佢出道之後有傳過訊息畀我，當時我個男團差唔多解散，仲約喺荃灣學校附近食糖水，送咗出道隻碟畀我。」但十多年來彼此均未有聯絡，在多年後亦終於促成首次合作，而趙浚承和Jinny現在已經同為家長，子女分別8歲與9歲年紀相若，Jinny更熱情地表示：「到時過嚟香港住，可以搵我個女一齊玩呀！」
