更新時間：18:52 2026-07-02
發佈時間：18:52 2026-07-02
發佈時間：18:52 2026-07-02
MIRROR成員陳卓賢（Ian）日前出席美容品牌產品發布會活動，受訪時Ian被提到早前他捲入抄襲風波，被指控新歌《那抹柔光，名為你》與獨立歌手AP潘宇謙提前一日面世的國語歌《碎鑽星球》旋律相似，問到有否影響心情？陳卓賢對此便以四點邏輯反擊抄歌指控。
四點反擊抄歌指控
陳卓賢接受傳媒訪問時，以四點邏輯反擊抄歌指控，他說：「第一，我係選秀節目出道嘅藝人，大家對我有幾多斤両，同我能力去到邊，我諗應該係會好清楚；第二，我電腦入面有不下數百首可以出到嘅歌，咁我唔覺得我要墮落到去做抄襲呢一樣嘢，如果有一日我真係完全冇晒靈感、寫唔到歌，我會寧願退出娛樂圈，或者唔再寫歌，都唔會墮落到要做抄襲呢件事；第三，如果我要抄襲一個歌手，點解佢會不下一次邀請我幫佢寫歌？第四，我亦都唔係同佢合作開嘅監製，我點會有佢嘅Demo呢？所以基於以上每一樣邏輯性分析，我就睇唔出有乜嘢要抄襲嘅理由！」
陳卓賢問心無愧 只想帶温暖畀歌迷
另外，陳卓賢亦被問到與AP潘宇謙是否朋友？他表示：「以前係，（即係而家已經冇聯繫？）我覺得朋友好講頻率，道不同不相為謀，（唔關呢件事？）咁就唔知喇！」，陳卓賢又表示自己是一個很專注做自己工作的人，不會去搞很多人事上的事情，自問問心無愧，自己的歌有正面訊息傳達給自己的歌迷，讓他們能在日常中感到溫暖，這才是他真正目的。
最Hit
