發佈時間：17:24 2026-06-17
近期，尖沙咀金巴利道有一家以洞穴為主題的西餐廳，憑藉前衛神秘的裝潢衝激客人的視覺，而迅速躍升為矚目的打卡勝地。此外，餐廳恍如地底密境般的環境，配襯新鮮的食材，更是令食客流連忘返。
早前，國際巨星王嘉爾（Jackson）返港，亦深深被餐廳極致的裝潢與神秘的氛圍所吸引，特意慕名親臨探店。而Jackson的驚喜現身，隨即掀起新一輪的朝聖熱潮，成為城中潮男潮女的打卡首選。
目不暇給
步入這間佔地2,000呎的洞穴餐廳，宛如穿越了一度時空門，室內的設計，徹底顛覆了傳統西餐的裝修，大膽採用天然岩石質感的牆面，在柔和的光線烘託下，勾勒出如歐洲天然鐘乳石洞般的深邃感，令客人目不暇給。
除了在視覺上營造特色之外，著名室內設計師Vincent Chiang，還巧妙地置入了極具現代感的夜光樓梯，令冷冷的光影與溫暖的岩石色調形成強烈的對比。這座樓梯不僅是空間的視覺焦點，更是不少客人爭相留影的打卡藝術裝置。另外，在餐廳外還設有一列開放式酒吧，瞬間將尖沙咀的喧鬧環境與餐廳的神秘融為一體。
星光熠熠
餐廳的魅力，就連見慣大場面的國際級巨星，也難以抗拒。月前，王嘉爾（Jackson Wang）難得返回香港，於凌晨兩點路過餐廳時，便被它的獨特洞穴外觀吸引，隨即帶着幾位朋友衝入店內飲酒歡聚。老闆Albert開心地憶述：「嗰日大約凌晨兩點，突然間王嘉爾同埋一班朋友入嚟我哋間餐廳。我啲員工話好似發緊夢咁，佢份人真係好友善，我啲員工個個都走埋去同佢影合照，佢來者不拒，又幫我哋簽名，佢話因為鍾意我哋呢度餐廳嘅裝修，所以入嚟。」
這裏除了吸引國際巨星前來探店之外，也是本地藝人的聚腳點。Albert續說：「呢度唔單止女仔鍾意過嚟打卡，兩個星期之前，冼靖峰都同朋友落嚟慶祝生日。鍾意健身嘅佢，平時食嘢好克制，但係佢嗰日一個人就食晒成隻三黃雞，都幾厲害。」此外，視后佘詩曼、劉佩玥等一眾食客也先後前來捧場，令這座地下洞穴星光熠熠。
拒絕預製
談及開辦這家餐廳的契機，老闆Albert透露，這一切源於疫情期間的緣分：「疫情期間，認識咗景樂集團嘅太子爺，跟住疫情結束，見到金巴利道有間地舖招租，覺得租金尚算合理，於是就決定一齊合夥，開咗呢間西餐廳 。」
這間餐廳不單止裝修吸引，食物更是色香味俱全。另外，餐廳特別調製了十多款雞尾酒，每一杯的裝飾都別具心裁。在食物烹調上，Albert 的團隊展現了極致的堅持：「喺預製菜同中央工場盛行嘅今日，我哋餐廳反其道而行，大部分食物都係自家製，簡單至深受歡迎嘅佐酒小食炸番薯條，我哋都係親自喺街市買新鮮嘅番薯自己切條，然後再攞去炸。手工意粉，我哋都係人手逐粒逐粒咁搓出嚟，拒絕中央工場交貨，因為我哋最想客人係食到我哋廚師嘅心機，而唔係加工食品。」一間餐廳的成功，單靠吸睛的裝潢還不夠，只有用心製作食物才是王道，一眾明星的眼睛都是雪亮的。
