更新時間：16:50 2026-06-13
發佈時間：16:50 2026-06-13
發佈時間：16:50 2026-06-13
科技進步，為人類帶來方便。問AI，唔使10秒幫你搵到答案、生成圖片，仲可以提供埋情緒價值，陪你傾密偈。但如果去到一個極端地步，有「復活」功能，整出一個無論外形、聲音甚至記憶，都同逝者一模一樣嘅機械人，究竟係好事定壞事？
日劇女神綾瀨遙，喺新片《再生家族》中痛失愛子，佢將所有嘅愛，轉移去兒子嘅替身、AI機械人身上，企圖重組破碎家庭，斷估唔到「阿仔」原來都有心事⋯⋯
綾瀨遙冇被「靚女」限定演阿媽
41歲嘅綾瀨遙，從來冇被靚女框框限定，演人妻，做阿媽都冇問題。今次喺《再生家族》中，佢同46歲嘅搞笑組合「千鳥」成員大悟合演夫婦。美女與「野獸」嘅組合，尤其係大悟首次擔正男主角，連佢都忍唔住問：「點解係我？」
綾瀨遙就向「老公」派定心丸，話之前喺綜藝節目見過佢幾次，覺得雙方合作會好有趣。
「AI仔」令夫妻重新面對彼此
電影探討喺家庭創傷下，科技倫理與親情矛盾。綾瀨遙話：「雖然故事設定喺近未來世界，但關於夫妻相處、親子關係以及人與人之間嘅愛，呢啲重要部分始終不變。我演一個失去兒子嘅母親，對佢來說，時間彷彿凍結咗，佢失去情感，同丈夫嘅關係也停滯不前。直到遇見機械人孩子，夫妻先可以重新面對彼此。一個人想向前望嘅理由有好多，有時只要稍為改變視角，人生就能夠再度前行。」
導演枝裕和曾奪康城金棕櫚大獎
導演是枝裕和曾經憑《小偷家族》摘下康城影展金棕櫚大獎。「我受到『復活死者』產業盛行嘅新聞啟發而寫呢個故事，我想大家睇完呢部戲後諗一諗，即使科技不斷進步，最終留下來最能代表人類本質嘅係乜嘢呢？」
上映日期：6月18日
延伸內容：《再生家族》（Sheep In The Box）新片介紹｜綾瀨遙、大悟（千鳥）、桒木里夢主演，是枝裕和執導
最Hit
