發佈時間：08:00 2026-06-02
現年81歲的李家鼎（鼎爺），自今年4月前妻施明的喪禮後，一對今年46歲的孖生兒子李泳漢（大孖）與李泳豪（細孖），隨即由不和發展至爭產風波，就連與他相戀廿年的圈外女友Viva，不單止被揭是無綫力捧小生馬貫東的母親，更牽涉在爭產當中。
去年，鼎爺由於患上胃炎兼貧血，故一度暴瘦20磅，加上前妻離世而傷心欲絕，結果弄致骨瘦嶙峋，健康狀況令人擔憂。「神隱」接近一個月的鼎爺，現已回復狀態，日前接受本刊的獨家訪問，他直指這個家庭紛爭令自己陷入人生低潮，一提起大孖，他依然有火，鏡頭前後大鬧對方是「仆X仔」逾10次，更痛心疾首首度公開宣布脫離父子關係︰「李泳漢唔係我李家鼎嗰仔，佢嘅嘢與我無關！」並且絕不原諒對方！
李家鼎回復狀態
今年4月，李家鼎（鼎爺）現身前妻施明的喪禮期間，神情哀傷、消瘦憔悴、步履蹣跚，健康狀況令人憂心。緊接，鼎爺一對孖生兒子：李泳漢（大孖）和李泳豪（細孖）爆出爭產風波，兩兄弟連日隔空互轟。隨後，鼎爺與細孖聯成一線，怒斥大孖將他當作「人肉提款機」；而大孖則反指細孖夫婦軟禁鼎爺。近日，事件還牽連到鼎爺的紅顏知己、馬貫東的母親Viva，簡直如同一套高潮迭起的連續劇。
對於家事越爆越深，鼎爺雖然未有立刻出面回應；但細孖便於5月16日拍片交代父親的近況：「 鼎爺𠵱家靚仔咗好多，但係佢話未夠，俾佢老人家休息多一陣先，佢想以一個好啲嘅狀態，出嚟同大家見個面，呢個就係我爸爸托我，同大家講嘅。」
「神隱」接近一個月的鼎爺，終於蒲頭，並接受本刊的獨家訪問。當晚，鍾情牛仔look打扮的鼎爺，精神奕奕，如常身穿格仔恤衫搭牛仔褸，在數名友人的陪同下，抵達尖沙咀一間中菜館。一現身，他便聲如洪鐘地打招呼︰「阿爺返嚟啦！」又即時大晒老而彌堅的拳風；接着，他還分享自己的身體狀況，「肥番啲，狀態幾好，有番胃口，準備食第4餐。」
強調對兩個兒子昔日一視同仁
向來有話直說的鼎爺，當提及家事成全城熱話，他坦言︰「好煩！」不諱言事件是人生低潮，積壓有兩年，「臭屎密冚，學個仆X，呢度揚，嗰度揚，家醜不出外傳嘛。我都有好多個why？人做老竇，我做老竇，點解一個仔咁乖，一個咁仆X。」
鼎爺強調昔日對兩個兒子一視同仁，又論及他們的性格：「細嗰個純品，從來唔爭，唔會學個仆X又𦧲又蠱蠱惑惑。大嗰個識𠱁，見到父母發脾氣，會閃咗先，細嗰個就倔。大蝦細，到𠵱家都係。」每每提及大孖，鼎爺皆激動地說︰「嗰個冇眼睇，要洗眼」、「啋佢都白痴！X！唔係人嚟！」
冰封三尺，非一日之寒，鼎爺指大孖將來有困難，也不會再幫，他突然嚴肅兼斬釘截鐵地說︰「由2026年5月29日晚8點10分起，李泳漢唔係我李家鼎個仔，佢嘅嘢與我無關！」他嘆了一口氣，表示自施明離開後，就開始有這個決定，因為「傷心到冇得傷心，傷害極之大」。當記者問到，如果有一日大孖浪子回頭，會否原諒他？鼎爺黯然地說︰「既然如此，何必當初，原諒呢兩個字就冇啦，講完。講佢就心噏。」
鼎爺一提前妻施明眼濕濕
1977年，鼎爺與施明拉埋天𥦬，但兩人的婚姻僅維持了17年，雙方和平分手；然而，他仍曾情深地表示：「我一生人最愛只有一個女人，係佢⋯⋯」可惜現已陰陽相隔。問及知否前妻骨灰的安葬地點？他即時眼濕濕，並輕聲的說︰「唔好問。」似乎仍未得知所縱。
至於，跟前女友、馬貫東母親Viva的關係，鼎爺鬼馬地轉用英語回應：「past tense（過去式）。」原本，他不欲多談舊情，但經記者再三追問，兩人現時的關係，他最終說出︰「冇聯絡，再見又唔係仇人，佢say hello，我咪say hello。」他也不介意跟女方或其家人在工作上見面：「撞到咪撞到咯。」不過，對於之前傳出細孖跟Agnes於拍拖期間，要求鼎爺給予150萬元他們作首期買樓，但卻離奇地需要Viva的大女做中間人，鼎爺認真地澄清，並沒有發生過這件事：「150萬印尼紙呀？」
鼎爺坦言唔驚死 最驚冇工開
走過人生81載，鼎爺當真穿越過無數高山低谷。2017年，他憑飲食節目《阿爺廚房》走紅，事業再創高鋒，隨即商演、廣告代言、開私房菜、出書等工作排山倒海，收入十級跳，身家更一躍過千萬。他直說︰「當時開私房菜，5個月就翻本，每個月執百萬。不過，一場疫情，我啲錢就變咗沙漏咁。我都想再開，但要有老細打本。」
鼎爺又透露現時的經濟狀況：「經濟辛苦，睇住嚟用，睇住嚟做⋯⋯之前，5、6萬一個月生活費，要燈油火蠟、水電煤，又要養埋嗰隻仆X，係唔夠。其實，最安穩要12、13萬一個月，因為𠵱家出入要call 車。」
幸好，鼎爺仍熱衷於工作，絕不言休：「唔驚死，最驚冇工開，生死有命，富貴攸天，冇工開係人為。從來冇諗退休，冇嘢做好辛苦，退休會戇居居。」據悉，他已磨拳擦掌，準備重投工作，除了跟細孖在網上拍片之外，又計劃跟生意拍檔開燒鵝餐廳；另亦有廣告洽談中，一切看來已經回復正軌。此外，他不忘感恩身邊有細孖和細新抱全力照顧，老懷安慰，稍後有意一家三口一同居住，方便照應。一家人同心，鼎爺絕對可以逆境重生！
