更新時間：13:27 2026-05-30
發佈時間：13:27 2026-05-30
發佈時間：13:27 2026-05-30
林盛斌（阿Bob）在《警是個大佬》中，飾演容天佑和王敏奕的老竇。而這個老竇昨晚（29日）就突然「父愛爆瀉」，帖文大讚劇中飾演他寵到壞曬的「金毛仔」細仔容天佑，Bob爺話：「當年睇住佢參加功夫新星，然後拍咗好多劇集，亦都做咗唔少綜藝節目，今日我哋終於合作。」
Bob爆天佑為演衰仔搵老師進修
Bob爺大讚天佑為了演好這個「撩事鬥非」又「狂妄自大」的角色，專登去搵演戲老師進修增值。Bob還對天佑信心十足，睇好他明年有機會奪得「最佳男配角」奬項。最後Bob爺更恭喜天佑升呢做爸爸，祝他一家人幸福快樂！
而容天佑見到Bob Bob爸爸對自己讚不絕口，亦即時回覆：「好幸運地係可以參與呢套劇，更幸運有一個咁專業咁可愛既阿爸，好多場戲都有你既建議都要請你多多指教，我會跟你學習如何做一個好老公，好爸爸？」真係父慈子孝，好有愛呀！
容天佑感到Bob爸爸「激心」
就Bob爺公開激讚，容天佑就話：「佢咁樣公開讚我，當然受寵若驚啦，好開心做到佢心目中既最佳男配角，當初接呢套劇，我知道佢好關心我之餘，又非常擔心我，擔心我做唔到一個咁曳既（嘅）角色，如今feel到BOB既「激心」，叫得我做金毛仔，應該做到佢心目中既衰仔。亦都希望各位觀眾多多支持呢套劇，到時套劇出街，歡迎大家喺條街度指住我呢個衰仔嚟鬧！」
延伸內容：容天佑升呢做爸爸 珠寶千金太太扶天恩順利誕巨B 笑指女兒識揀時間出世
延伸內容：女神配對計劃2│江美儀唔敢同樂小姐爭「小鮮肉」 林盛斌Bob講明下年再幫拖
延伸內容：林盛斌Bob親授簡易家居招財法 餐枱擺放5物件可催財 忌放1種「能量毒物」 網民反應兩極
最Hit
