更新時間：18:07 2026-04-09
發佈時間：18:07 2026-04-09
發佈時間：18:07 2026-04-09
一見鍾情、甜蜜拍拖、閃電結婚，人生大事能夠順風順水光速完成，本來飲得杯落，但偏偏多得閨密提議玩個婚前小遊戲，Zendaya食咗誠實豆沙包，自爆暗黑史，結果嚇窒羅拔柏迪臣（Robert Pattison），係咪應該悔婚好？
放心，以上只係新片《戲劇性婚禮》（The Drama）嘅劇情，現實中，Zendaya愛情得意，被指同「蜘蛛仔」湯姆賀倫（Tom Holland）已經秘婚，真係恭喜晒！
黑色幽默
羅拔柏迪臣憑入型入格嘅吸血鬼Edward一角爆紅後，近作有《去死吧，我的愛》，今次係佢同「蜘蛛女」Zendaya首次演情侶，之後陸續有《奧德賽》和《沙丘瀚戰：第三章》排隊登場。
Zendaya好畀面羅拔，專登喺《戲劇性婚禮》開拍前，一日內煲晒佢5集嘅代表作《吸血新世紀》。佢話同羅拔熟絡咗後，發現佢好鍾意講笑，完全對佢改觀，「佢好幽默，成日笑，好容易令人放下戒心，感到舒服同溫暖，但亦因為佢成日咁，根本唔知佢邊句認真，邊句講笑。」
導演粉絲
兩人都係導演Kristoffer Borgli嘅粉絲，3年前《大叔夢中人》首映禮上，羅拔曾主動上前向Kristoffer自我介紹。佢大讚：「Kristoffer嘅幽默感無人能及，佢嘅作品好出其不意，你永遠唔會知道下一秒發生乜嘢事。」
電影以黑色幽默詮釋人性脆弱同愛情矛盾：當完美濾鏡冇咗，究竟為愛，可以願意接受伴侶多少陰暗面呢？Zendaya希望大家口下留情，唔好劇透，踢爆佢嘅角色做咗啲乜衰嘢，「因為大家唔知情，先可以真實地感受呢部電影有幾戲劇性，散場後好好討論。」
上映日期：4月9日
《東周網》訪談系列節目《星桄伴我心》4月重磅嘉賓：
即睇：《中年好聲音4》「鹿七伯」譚永浩 新秀冠軍變賣菜謀生｜戶口剩幾十蚊難受歲月｜神跡驅使愛上網紅杜小喬
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
