發佈時間：19:15 2026-02-12
京劇《美猴王•孫悟空•誰與爭鋒》日前於西九戲曲中心大劇院圓滿完成一連3天的演出，台前幕後團隊共80幾人專程來港參與，氣勢強勁。是次公演以籌款為目的，由著名京劇表演藝術家朱陸豪老師擔任藝術總監，率領數十位表演者演活各路神話角色，從托塔天王、太白金星、二郎神、哪吒、巨靈神，以至龍王、青龍白虎及蝦兵蟹將等眾神將輪番登場，與孫悟空率領的猴子猴孫展開連場大戰，技驚四座，令全場觀眾拍案叫絕。
台下觀眾星光熠熠
場內星光熠熠，吸引元秋及元家班兄弟姊妹、白雪紅、葉家寶、石修、姜大衛、李琳琳、梅雪詩、朱劍丹、鄧美玲、謝雪心、衛駿輝、鄧達智、陳圖安、鍾叮噹、邵音音、譚玉瑛、汪曼玲、黃德斌、梁非同、連炎輝、顏米羔、杜小喬與游莨維等多位名人親臨捧場。完場後一眾嘉賓更熱烈分享觀後感，對演出讚不絕口。
顏米羔譚玉瑛大讚有驚喜
譚玉瑛直言：「京劇嘅舞台功架真係好好睇，今次仲可以欣賞到三代猴王一齊演出，實在係好難得。」顏米羔則驚嘆於演出的技術難度：「我覺得好新鮮，好多跳躍動作要喺舞台上一take過做到，難度真係超高。我以前做演唱會都試過融入悟空概念，當時想耍棍，但對我嚟講已經好難。今次見到三位孫悟空一齊快速耍棍，動作俐落之餘仲要交戲，專注度極高，係一個好犀利嘅藝術。好驚喜、好新鮮，真係好正！希望大家多啲支持呢類中國文化演出。」
姜大衛李琳琳指演出專業
姜大衛亦大呼好睇：「佢哋啲功架真係好勁，唔知要練幾多年先做到？」李琳琳亦回想：「我細個都學過京劇，不過係也也烏。今次無論主角定配角都好專業。」鄧美玲則讚嘆：「猴王嘅細微動作做得好精準，即使畫咗面譜，仍然可以睇到眼神表情，真係好難得，好值得後輩學習。」
衛駿輝稱打鬥編排熱鬧流暢
首次欣賞京劇的項明生笑言：「完全冇冷場，一幕比一幕精彩，真係拍爛手掌。」鄧達智大讚動感十足，男女老幼都睇得開心。衛駿輝則表示：「第一次見三個孫悟空同台，朱師父形態活靈活現，兩位年輕猴王功架扎實，成齣戲打鬥編排熱鬧流暢，睇得好滿足。」
葉家寶表示三代孫悟空各有特色
葉家寶亦大讚：「幕幕都咁出色，三代孫悟空各有特色，第三代秦朗動作精細，第二代徐挺芳紮實，第一代朱陸豪老師雖已七十多歲，依然功架十足，表情動作令人嘆為觀止。呢個京劇美猴王絕對係一個唔一樣嘅演出，值得推廣到世界各地，等更多人見識中國京劇嘅國粹功夫。」
結合東方雜技與西方馬戲元素
是次演出兼具娛樂性與文化深度，特別顧問陳善之表示：「此劇結合東方雜技與西方馬戲元素，不少家長帶同小朋友進場，正好讓新一代認識京劇的魅力。」一連3日的演出圓滿落幕，為香港觀眾留下難忘的京劇美猴王傳奇回憶。
延伸內容：顏米羔首個演唱會9月登場 為Keep Fit狂食「烚菜」
《東周網》訪談系列節目《星桄伴我心》2月重磅嘉賓：
即睇：江欣燕親揭變胖因由│輕狂靡爛歲月 醉倒餐枱底瞓天光│小產BB入樽放睡房 發生靈異事件
即睇：實測Silly程度 帶陳國邦去沙灘𥄫女｜送石油氣爐畀羅敏莊最浪漫 ｜《尋秦記》謝票收花超窩心
即睇：黃凱芹大逼供｜有冇同過周慧敏拍過拖？｜有冇秘密生仔做爸爸？｜有冇內疚心事對亡父說？
立即追蹤《東周刊》全新WhatsApp頻道，緊貼全城熱話、突發猛料、獨家消息！
