更新時間：16:12 2026-01-29
發佈時間：16:12 2026-01-29
發佈時間：16:12 2026-01-29
王敏奕（Venus）今日（29日）到中環出席國際品牌SANDRO的時裝活動。身穿一襲低胸連身裙的她，甫到場即急不及待欣賞品牌SS26的最新系列，她表示出席活動前做Fitting，已鍾情品牌簡約優雅的設計，並強調着衫最緊要舒適，着出自己的風格，而並非看「性感」與否。
王敏奕借老公外套來配襯
而Venus也有留意品牌的男裝，她表示現在流行Unisex，都會借老公曾國祥的外套來配襯，她續稱：「有時我仲會買男裝褸，即係Oversize少少去襯一件比較Feminine嘅款式，咁樣Mix and Match就會撞到一個比較Balance嘅感覺。」
幫好友糖妹「打針」雪卵
近日有報導指她為好友糖妹「打針」雪卵，她回想起也表示緊張到手震：「我聽佢講好多年㗎啦，我覺得佢有呢個諗法去做呢件事，我都好支持佢。雖然我個人冇辦法陪佢飛去台灣進行呢件事，但我都好慶幸佢有一Part係返香港要Support嘅，都係俾個機會我去參與。」
對於「打針」一事，王敏奕坦言自己也心生畏懼，甚至形容針頭的長度令人心驚：「我幫佢打時都手震㗎，啲針原來咁長都好驚。」被問及會否考慮凍卵時，她坦白回應：「暫時未有需要。」
沒有老爺新動向獨家消息
提到老爺曾志偉卸任TVB總經理一職後，她未聞對方新動向：「我都冇獨家消息，臨近農曆新年，希望大家可以放個假先，有啲咩等之後再繼續，先過一個新嘅、好嘅一年再出發。」王敏奕透露工作未受老爺卸任而減少：「嚟緊都會有新Project，都覺得係好有興趣嘅，好期待可以快啲同大家見面。」
延伸內容：曾志偉親家為隱世水墨畫家 孖城城開畫展
延伸內容：王敏奕重提奪「最佳衣著獎」爆肚多謝曾志偉 指老爺身經百戰也被嚇親
最Hit
