發佈時間：13:58 2026-01-17
由黃劍文、葉巧琳、鄭俊弘和陳凱彤主演的音樂劇《為你鍾情》日前於西九文化區戲曲中心正式公演。這是繼2024後再度重演，大家均表示期待，可惜黃劍文開騷前不小心整親腳，雖立即搵醫師針灸散瘀，但要頂足7日先才有時間治療，而劇中他與葉巧琳的感情線將特別「加甜」，葉巧琳亦稱再演出似返屋企，心情感輕鬆。
首場獲一眾嘉賓好友支持
《為你鍾情》講述兩兄弟繼承已故父親的心血「皇家冰室」，無奈面臨結業，二人為完成父親作為忠實「榮迷」的遺願，打算在最後一個營業日舉辦張國榮歌曲主題音樂會，由此引發許多故事。而首場演出吸引胡渭康、劉威煌、黃博、沈宗賢、梁浩賢、強尼、杜小喬、蔡誌恩、陸東成、譚永浩、林思彤、侯靜伊、阮慧珊和李照南等現身支持。
黃劍文靠針灸頂足7日演出
開騷前黃劍文、鄭俊弘、葉巧琳和陳凱彤均表現得士氣高昂，並稱非常期待演出。黃劍文笑言再演出《為你鍾情》增添信心「加戲」，並指難得發現自己跳唱「心肺功能」不俗：「哥哥實在太多經典歌曲，好多都未夠時間唱，所以可以將故事延續做續集。公演前我唔小心整親隻腳，立即去搵醫師幫手做針灸散瘀，要頂埋呢7日先至有時間去治療！」
鄭俊弘則表示最愛《黑色午夜》和《不羈的風》，可惜未有機會翻唱金曲：「仔仔都會嚟睇尾場，到時媽咪、公公都會陪住佢哋嚟支持我！」
葉巧琳指感情線要「加甜」
而葉巧琳坦言再演出音樂劇，令演員之間默契提升，她說：「我同劍文啲感情線呢，其實係專登加啲『蜜糖』，大家睇落去係可以Sweet啲！𠵱家熟悉咗做音樂劇，好似返屋企咁，心情會放鬆啲！」提到早前炎明熹加盟同唱片公司，姜濤亦在傳言名單，她續稱：「咩話？我真係唔知！我連炎明熹加盟都係當日先知道，所以喺我身上係收唔到消息嘅，我已經好耐冇返公司，因為綵排太忙碌了！」同場的陳凱彤則笑指綵排時曾不小心失手，故演出時必定要打醒十二分精神！
延伸內容：黃劍文為音樂劇操肌 Sinnie@Lolly Talk驚「被睇小」
延伸內容：黃劍文未見過生父 母燒炭輕生 自爆曾想過殺家暴後父
《東周網》訪談系列節目《星桄伴我心》1月重磅嘉賓：
即睇：龔慈恩激罕剖白2次離婚傷痕：「我冇恨之入骨！」│25歲女兒林愷鈴閨房私密│點評佘詩曼、黃宗澤、王敏奕
即睇：羅泳嫻因舊愛吳啟華遭攻擊│德國前夫被色誘情刧│女鬼闖入屋求助
立即追蹤《東周刊》全新WhatsApp頻道，緊貼全城熱話、突發猛料、獨家消息！
