更新時間：19:50 2026-01-12
發佈時間：19:50 2026-01-12
發佈時間：19:50 2026-01-12
邱芷微（Chelffy）在TVB處境劇《愛·回家之開心速遞》飾演「賈名媛」一角成功入屋，一向積極為慈善出力的她，日前與武打演員老公陳志忠（Wilson）到屯門康樂綜合職業復健服務中心擔任《竹園區神召會2026年2月14日新界區賣旗日》啟動禮的主禮嘉賓兼表演嘉賓。活動中，Chelffy又唱又跳，期間更與該會學員握手合照，成功帶動氣氛，令大家都樂在其中。
邱芷微唱歌要降Key保聲帶
早前有報道指邱芷微聲帶出現問題，問她當日獻唱時可有影響？Chelffy坦言暫時要降低個Key唱歌：「基本上需要用把聲工作嘅人都有機會遇到呢啲問題，不過冇諗過一年前中流感失聲會有咁長手尾， 已睇醫生照晒內窺鏡，好彩只係聲帶水腫發炎，唔使做手術，總算鬆一口氣。（有冇影響到工作？）都有影響㗎！因為本身除咗拍戲同唱歌之外，仲要教戲劇同朗誦時都要聲音示範。醫生叫我少啲用聲，但其實真係好難，惟有自己不斷研究同練習發聲嘅方法做治療，所以我都唔會睇到咁灰，保持正能量！」
今年情人節兩公婆一齊賣旗
談到婚後首個情人節會否特別慶祝，Chelffy笑言今年會跟老公陳志忠一齊做善事，她續說：「首先一定要撐今日大會活動去賣旗，因為做多啲善事可以保平安，正所謂『行善積福』呀！」她直指上年的情人節太難忘了，因為Wilson入了醫院做手術，她仍猶有餘悸表示：「當時真係俾佢嚇死咁滯！」
在旁的Wilson則表示現時做運動會加倍小心：「𠵱家都唔敢將自己倒轉，避免再開刀。（現在傷口好返未？）已完全康復，好彩當時及時做手術，因為原來條腸缺氧會有生命危險。」
延伸內容：「賈名媛」邱芷微為白內障患者唱歌籌款 直言媽媽曾確診做手術深明感受
延伸內容：「賈名媛」邱芷微偕老公陳志忠為癌者打氣 感觸照顧患病家人絕不容易
延伸內容：「賈名媛」邱芷微結婚了 與老公陳志忠勁歌熱舞娛賓 婚後生B湊成「好」字至少等1年
《東周網》訪談系列節目《星桄伴我心》1月重磅嘉賓：
即睇：龔慈恩激罕剖白2次離婚傷痕：「我冇恨之入骨！」│25歲女兒林愷鈴閨房私密│點評佘詩曼、黃宗澤、王敏奕
即睇：羅泳嫻因舊愛吳啟華遭攻擊│德國前夫被色誘情刧│女鬼闖入屋求助
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
