發佈時間：18:06 2025-12-27
聖誕節最緊要開心，相信最叻炸薯條、永遠樂觀天真嘅海綿寶寶，點都會觸動到你嘅笑點，令你正能量滿滿咁行出戲院。
生活喺海底城市「比奇堡」嘅海綿寶寶，為咗證明自己大個仔，喺新片《海綿寶寶：深海尋「寶」》（The SpongeBob Movie: Search for SquarePants）入面決定鼓起勇氣，深入海底秘境「冥界」探險，點知跌入幽靈海盜「飛天荷蘭人」搵替身嘅圈套。嘩！海綿寶寶咁可愛，真係忍心落手咩？
幽靈搵替身
表情鬼馬、次次符碌戰勝壞人嘅海綿寶寶，不經不覺已經誕生26周年。動畫系列攞過4次艾美獎，就連男神奇洛李維斯（Keanu Reeves）都曾經喺2020年《海綿寶寶：急急腳走佬》中客串做一團「風滾草」，諗起都笑出聲。
來到今次《深海尋「寶」》，故事圍繞海綿寶寶渴望成長，成為猛男嘅心願展開。導演戴力渣文（Derek Drymon）話：「蟹老闆覺得海綿寶寶永遠係一個吹肥皂泡嘅細路，要完成一趟海底冒險先算『大個仔』。但對海綿寶寶來說，所謂嘅長大，就係身高能夠達到「36隻蚌」嘅高度，等佢可以圓夢坐猛男過山車。」
有死黨陪伴
要探險，梗係要有伴，海綿寶寶搵咗死黨派大星陪佢。今集呢隻笨海星佔戲相當重，兩兄弟仲幾乎反面，友誼面臨考驗。
至於新加入嘅大反派飛天荷蘭人，係幽靈海盜，一直想解開身上500年嘅詛咒，重返陸地世界。等了又等，終於搵到純過蒸餾水嘅海綿寶寶做替身。
負責聲演呢位奸角的，正正係《星球大戰》嘅「天行者」麥咸美（Mark Hamill），佢仲要配合綠幕、特效同動畫，作真人實境演出。「我上身着住飛天荷蘭人嘅戲服，下身因為係電腦動畫製作，可以着彩色短褲同運動鞋，從未試過咁癲。」
上映日期：12月25日
延伸內容：《海綿寶寶：深海尋「寶」》（The SpongeBob Movie : Search For SquarePants）新片介紹｜戴力渣文（Derek Drymon）執導
延伸內容：賞您《海綿寶寶：深海尋「寶」》換票證20張｜東周JETSO
《東周網》訪談系列節目《星桄伴我心》12月重磅嘉賓：
即睇：喬宏96歲遺孀小金子 靠神迹戰勝子宮頸癌 爆喬宏墮機沉船撞車生死刧 靈魂出竅奇異經歷 二人洗手盆見證愛情真諦
即睇：林建明 賈思樂 爆盧海鵬風流多女友 感性剖白患情緒病辛酸 爆笑互窒對對碰 分享71歲凍齡秘笈
即睇：陳展鵬耗盡身家救癌病母 單文柔哭訴心中情 英勇消防員爸爸揭秘 笑談亞視味騎呢年曆
立即追蹤《東周刊》全新WhatsApp頻道，緊貼全城熱話、突發猛料、獨家消息！
