更新時間：14:53 2025-12-18
發佈時間：14:53 2025-12-18
發佈時間：14:53 2025-12-18
現年41歲的王致狄（Andy），因在《愛•回家之開心速遞》飾演「鐵面陳」，而為人熟悉。今年5月，他突然在社交網宣布求婚成功：「我終於求婚成功，謝謝您的“Yes, I do”and I love you !」未婚妻Nicole不單止身材驕人，眼大大、鼻高高更與周麗淇撞樣。此外，她的來頭亦十分猛料，家人在馬來西亞自設廠房生產面膜及美容產品，是香港美容產品供應商的龍頭，身家「億億聲」。據悉，兩人婚後將接管家族的生意，齊齊打造這個美容王國，「鐵面陳」亦搖身一變成為「億元駙馬」。
原來，Andy今次是雙喜臨門，因為Nicole在3個半月前，為他誕下可愛的囡囡王汶加。初為人父的Andy相當緊張，Nicole懷孕時，他已四出尋找湊B資料，又做貼身「柴可夫」車出車入，照顧得無微不至。當被問到為何不早點拉埋天窗時，他笑言：「Nicole係女強人，佢忙到唔得閒同我結婚，跟住年頭發現佢有咗，我就即刻求婚啦！下年，我哋會舉行婚禮㗎啦，呢個BB係上天賜俾我哋嘅，所以我哋一定會好好照顧同愛惜佢！」
日前，Andy假尖沙咀的一間酒樓為囡囡舉行百日宴，由於近日大埔發生不幸事件，所以今次晚宴都低調進行，他無奈的說：「雖然係人生大事，但香港近日發生太多事，所以盡量低調，今次只係請咗一啲親戚同埋幾個朋友出席，希望大家見諒。」當日，Andy提早3小時到達會場，親自打點一切，既吹氣球又安裝擺設，兼分派回禮及招呼賓客一腳踢。宴會開始前1小時，Nicole與囡囡以粉紅色「母女裝」現身，非常搶鏡！席間，Andy 相當興奮，拿着酒杯滿場飛，還不停高呼：「我做咗爸爸啦！」飲多兩杯後，他更攬着Nicole走勻每一枱敬酒，又即場錫錫，似在預演婚宴，令賓客雀躍萬分！
最Hit
