發佈時間：15:30 2025-12-15
無綫處境劇《愛回家之開心速遞》飾演「賈名媛」的邱芷微（Chelffy) ，日前出席《瞳心同行讓夢高飛》慈善音樂會新聞發佈會，致力為荃灣港安醫院「金睛火眼慈善白內障手術計劃」籌款，為本港有經濟困難的白內障患者提供完全免費的手術治療，讓他們重見光明，重建尊嚴與人生。
邱芷微透露媽媽患有白內障
邱芷微在台上分享時，表示深感明白患者感受，她說：「我媽媽喺呢幾個月內先後做咗左眼及右眼的白內障手術，最初以為係老花嚴重咗，但後期越來越嚴重才去眼科檢查先確定病症。佢本身好鍾意同啲朋友得閒打吓麻雀聯誼吓，但因為患病都影響咗心情娛樂，因此我更深深感受到其他有需要嘅人都有機會遇上同樣遭遇，所以我非常支持呢個籌款活動，讓更多有需要嘅人重燃希望。」
問到媽媽手術後眼睛情況如何？邱芷微笑言媽媽看東西很清楚，並續稱：「𠵱家冇嘢逃得過佢法眼㗎啦！換咗晶片之後睇嘢更清晰，可以繼續大殺四方，哈哈！但係始終啱啱做完手術，於日間外出時要經常戴太陽眼鏡保護眼睛。」
因患病失聲要減少歌唱演出
談到近況，Chelffy表示今年因失聲減少了歌唱演出，她坦言：「上年年尾因為中咗流感同新冠而失聲，傷及聲帶。但係復原能力漫長，因為我需要兼顧戲劇同朗誦教學工作，經常用把聲，所以未能好好休息。」
而她表示音樂會主辦方金浪音樂文化的Miss Lam好好，她解釋：「佢係我嘅聲樂啟蒙老師，令我失聲都唔怕，反而令我學識咗其他發聲方法，擴闊咗我從前未有發掘的音域，重拾自信。的確好多觀眾都唔知道原來我係唱歌入行嘅，所以今次金浪40周年匯演《瞳心同行讓夢高飛》我都非常期待，呢次亦係我首次參與該校嘅大型活動。」
延伸內容：「賈名媛」邱芷微偕老公陳志忠為癌者打氣 感觸照顧患病家人絕不容易
延伸內容：「賈名媛」邱芷微結婚了 與老公陳志忠勁歌熱舞娛賓 婚後生B湊成「好」字至少等1年
延伸內容：賈名媛邱芷微愛得痛苦 獲網民讚有內心戲 演技好原因係......
《東周網》訪談系列節目《星桄伴我心》12月重磅嘉賓：
即睇：「海馬」老闆鄔友正因翁嘉穗重病痛哭 妙論太太係老虎乸 徙置區小子創富路
即睇：佘詩曼公開美魔女育成秘笈 感傷最後道別許紹雄 驚險慈母心臟停頓20秒
立即追蹤《東周刊》全新WhatsApp頻道，緊貼全城熱話、突發猛料、獨家消息！
