更新時間：16:01 2023-10-16
發佈時間：16:01 2023-10-16
發佈時間：16:01 2023-10-16
10月21日就踏入53歲生日的古天樂於上周六（10月14日）提早搞生日派對，同家人好友粉絲們開心渡過。
古天樂向來愛錫粉絲，過去多年來都會搞生日派對，同粉絲們近距離接觸，與眾同樂玩番一晚，但因為過去三年受疫情影響，被迫停辦三年，今年才再舉行。隔了三年終於可以同古天樂慶生，粉絲們都表現得份外興奮，非常開心。
胡楓、佘詩曼媽媽坐主家席
古天樂的壽宴設於沙田ClubONE(昔日沙田畫舫位置)筵開六十席，除了粉絲外，胡楓、佘詩曼媽媽Lily、吳君如媽媽等都有份出席，更向他開心敬酒。而一班長輩見到古天樂就即時送上一封大利是，祝賀他生日快樂，而古天樂亦非常識做，安排他們坐在主家席外，更跟他們逐一合照。
唱生日歌唱甩Beat
壽宴於晚上七時開始，兩頭醒獅率先出場，並走到壽星仔古天樂周圍附近，送上旺氣和祝福，之後司儀區永權就帶領台下粉絲和席上賓客齊齊唱生日歌，但搞笑地個個唱得五音不全又甩Beat，古天樂就忍唔住在司儀區永權手上拿了咪，並笑笑口說：「你哋睇下我阿媽，成個利孝和夫人咁企喺個蛋糕前面，等你哋唱歌，你哋唱到咁嘅？」司儀區永權就識做，馬上建議關掉音響，由大家清唱生日歌更好。
Nice到爆任粉絲抽水
唱完生日歌，古天樂都非常識做，安排逐枱賓客上台大合照，作近距離接觸，接受大家的祝福，而見到偶像，粉絲們就興奮得又叫又跳，更伸手摸摸偶像瘋狂抽水，見到粉絲咁熱情，古天樂就非常Nice，任摸唔嬲。
講生日願望
古天被問到有甚麼生日願望，他就話最重要是身體健康，大家珍惜眼前所有，珍惜每一天。
最Hit
