發佈時間：10:00 2025-11-30
參加第一屆《中年好聲音》獲得第6名的吳大強（Bill），育有四位兒子，不僅顏值高，還各有成就，非常之叻仔！不過，大強哥向來將功勞交給愛妻，他又不忘誇讚老婆靚女，所以兒子才靚仔：「咁多年來，多謝老婆教導佢哋，等佢哋個個都咁叻。」
早前，在火炭的一間中式酒樓，本刊就發現大強哥攜眷出席朋友的聚餐。席間，他除了拉着老婆在龍鳳大禮堂拍合照，回味昔日的婚禮之外，還大爆：「老婆好細個，我就追佢啦，覺得佢好靚，用咗好耐時間先追到佢㗎！」冧到吳太Michelle全晚眉開眼笑！
一門五傑
2022年，吳大強（Bill）以71歲高齡參加無綫的歌唱選秀節目第一屆《中年好聲音》，更憑藉扎實的唱功成為大熱門。可惜最後大熱倒灶，他只獲得第6名，但仍然深受觀眾的歡迎。曾任職輔警的大強哥，退休前是一間5星級酒店的營運及發展副總裁，可謂業界的翹楚。
此外，虎父無犬子，大強哥的四名兒子亦各有成就，大兒子吳偉諾為助理消防區長（公眾安全及傳訊）；而第二子吳偉言是飛機師；另第三子吳偉豪為ＴＶＢ力捧小生；至於孻仔則在澳洲修讀藥劑，當真是一門五傑。
小時候家住元朗的大強哥，因為經常健身，所以擁有八塊腹肌；另外，他還擁有兩個夢想。當年，他渴望成為職業球星或明星，可惜事與願違。直至1971年，他毅然決定追夢，先參加香港電台舉辦的歌唱比賽，並憑歌曲〈One Day〉獲得第二名；接着翌年報名無綫的藝員訓練班，最終名落孫山 ：「喺第二輪已冇下文，可能我唔夠靚仔又唔夠高。結咗婚之後，我睇住四個仔，心諗佢哋會唔會有天份入娛樂圈？會唔會有呢個興趣同能力？」
然後，大強哥等第二仔吳偉言及第三仔吳偉豪長大成人後，便為他們報名無綫的藝訓班，延續爸爸的演藝夢，當年在千多人之中只選9名入圍者：「結果佢哋兩個都被揀中咗，但係老二一直夢想做飛機師，最終去加拿大升學，所以得老三（吳偉豪）加入了娛樂圈。」
米雪操刀
四位兒子皆高大又靚仔，特別是獲得無綫力捧、有「翻版吳彥祖」之稱的吳偉豪；而大強哥近年人氣急升，於是造就他們以父子檔賺外快。每當別人誇獎兒子，他便謙虛的說：「電視台比佢靚仔嘅演員大有人在，佢做戲還可以，我曾經擔心佢會學壞，但原來劇組就好似一家人互相照顧，令我好放心。」自嘲不夠靚仔的大強哥表示，大家都稱讚四個兒子靚仔，功勞一定是老婆，他哈哈大笑說：「老婆好細個，我就追佢啦，覺得佢好靚，用咗好耐時間先追到佢㗎！我年紀比佢大好多，四個兒子咁乖都係佢教出嚟，功勞梗係俾佢啦！」
據悉，吳太叫Michelle，於懲教處任職；之前，她甚少露面，即使出來活動，也多數帶着口罩示人。日前，本刊在火炭的一間酒樓就發現吳氏夫婦，一同出席朋友的晚宴。席間，兩人相當恩愛，而各位藝人與吳太亦都相當投契，足見她人緣非常好。該酒樓設有龍鳳大禮堂，鬼馬的大強哥立即捉住老婆，一起影番張「結婚照」，他還調戲老婆說：「你仲靚過當年，快啲趁青春留倩影，哈哈！」在旁的米雪於是為他們操刀，而大家看相後，都盛讚米雪的攝影技術，大強哥馬上搶着說：「呢張相好值錢！」在旁的老婆就猛點頭和議，當真夫妻心有靈犀一點通！
延伸內容：飛常日誌 | 吳大強客串失智症伯伯搶焦 獲監製大讚記對白一流
《東周網》訪談系列節目《星桄伴我心》11月重磅嘉賓：
即睇：孫慧雪爆拍性感寫真因由 生仔大出血攞命搏 被懷疑是犯罪集團主腦
即睇：「億萬駙馬」伍富橋：人人以我唔使做！爆太太出招試探人品 永不忘被外父羞辱係鴨
立即追蹤《東周刊》全新WhatsApp頻道，緊貼全城熱話、突發猛料、獨家消息！
