發佈時間：15:40 2025-12-01
入行45年的楊仲恩，當年因參加比賽模仿鄭少秋而勇奪冠軍，之後便被安排做《歡樂今宵》的主持；接着，他憑着俊俏的外表還「升呢」成為小生。90年代，楊仲恩隻身赴台發展兼定居，跟着就鮮有他的消息；幾年前，鳥倦知還的他，決定返回香港定居，間中在無綫劇集扮演一兩個角色娛樂大家，生活優哉游哉。
甫進入楊仲恩位於山頂道的寓所，便感受到其氣派，花了200萬元裝修的格局，似足一間酒店。因為女朋友太喜歡購物，所以他幾乎每一幅牆都訂製了隱藏櫃，他笑說：「做到成屋都係櫃，除咗可以收埋佢啲珍藏品，亦都可以收埋我珍藏咗好多年嘅模型戰艦。」8歲已經開始砌模型的他，整間客房都是展示櫃，儼如一個模型博物館。
台灣發跡
現年66歲的楊仲恩（Tony），70年代在餐廳做駐場歌手，機緣巧合之下，在歌唱活動中，認識了人生的伯樂彭健新（健仔）。由於健仔非常欣賞Tony的音樂才華，覺得他不應該被埋沒，於是在1979年為他報名《歡樂今宵》第一屆「影視紅星模仿」大賽。最終Tony不負所望，以模仿鄭少秋勇奪冠軍，並隨即簽約成為TVB的藝人，而他的首項工作便是擔任《歡樂今宵》的主持。
跟着，Tony亦開始接拍劇集，知名度與日俱增之餘，人脈網絡也越來越廣。然後，他獲得亞視的青睞，並邀請他過檔。跳槽後，他除了「升呢」成為劇集的主角之外，更有機會主唱當年大熱日本動畫的主題曲，其中的《超時空要塞》和《超時空世紀》更加成為昔日動畫迷的集體回憶。
90年代，Tony接拍了台灣的古裝劇《劉伯溫傳奇》，自此開展了他新一輪的事業。在劇中飾演「丁沖」的Tony，由於造型英偉不凡，令他在台灣瞬間人氣急升。憶起當年風靡萬千少女，他笑得合不攏嘴：「呢個角色每一集都有女主角鍾意，但『丁沖』為咗工作，都將兒女私情拋諸腦後，所以特別有型。」當時，他亦因為這一個角色得到不少導演賞識，結果就留在台灣發展，不單止拍劇，還經營生意。
名人為鄰
其實，Tony一直心繫香港，適逢疫情，往返兩地需要長時間隔離，於是他決定重投香港的影視圈，他坦言：「𠵱家嘅我，幾線發展，有好嘅角色我會接拍；另外，我亦有做飲食生意，得閒就同女朋友去吓旅行，生活優哉游哉。」
對衣食住行都非常講究的Tony，月前就由堅道搬了去山頂道與林峯家人為鄰，他表示：「因為之前住嗰度唔夠位置俾我哋放嘢，加上層樓開始舊，我哋睇呢度嗰陣時，成幢樓剛剛翻新，非常有氣派，於是就決定咗揀呢度。我哋買咗之後先知道原來有咁多明星、名人住喺呢度，好似莫文蔚同李國寶都有買呢度。」Tony買入的單位實用面積1,500呎，兩房一套，並花了約200萬元裝修，且用盡空間做儲物櫃：「幾乎每一幅牆都有櫃，做咗咁多櫃，咁就唔會察覺間屋企有好多雜物，我幾滿意個設計，做到好似成間酒店咁。」
慈善展覽
小時候已經鍾意砌模型的Tony，將客房裝修成為一個模型的展覽廳，另展示櫃內都裝了射燈，好讓朋友前來參觀時，更加賞心悅目，他開心的說：「我其實冇乜嗜好，一般男人鍾意嘅揼骨、飲酒，我通通都唔鍾意。我記得8歲嘅時候，有一日放學見到一副戰艦模型，我買咗返屋企，就開始咗砌模型嘅興趣，咁多年買嘅模型，加起上嚟應該都有半百萬，價錢唔算貴，但係時間就係最貴。」
Tony指模型是一定要用展示櫃去收藏，因為每件配件都太細微，如果放出來展示，會有很多塵，很難打理。而他最大的心願，就是舉辦一個慈善模型展覽，不僅可以與志同道合的朋友分享，還可以賣出去做善事。
剛剛與女友去了意大利玩了10日的Tony，今個月又準備再去外埠吃喝玩樂，回港後就會正式投入工作，拍攝由蔡少芬、朱茵及汪明荃主演的新劇《風華背後》，他笑說：「之前嗰兩套我都係做專業人員，例如：2020年嘅《法證先鋒IV》做醫生；之後喺《執法者們》就做警司；今次《風華背後》，我就做一個有錢佬，都幾期待㗎！」其實，Tony都是做番自己，絕對入型入格喇！
延伸內谷：夏韶聲一連兩場紅館騷 與彭健新竹田和夫Jam歌 唱《結他低泣時》一度感觸眼濕濕
《東周網》訪談系列節目《星桄伴我心》11月重磅嘉賓：
即睇：孫慧雪爆拍性感寫真因由 生仔大出血攞命搏 被懷疑是犯罪集團主腦
即睇：「億萬駙馬」伍富橋：人人以我唔使做！爆太太出招試探人品 永不忘被外父羞辱係鴨
立即追蹤《東周刊》全新WhatsApp頻道，緊貼全城熱話、突發猛料、獨家消息！
