發佈時間：18:20 2025-11-24
容天佑於今年10月6日中秋節，在社交網站同大家報喜，他分享多張與未婚妻扶天恩Winnie的婚照及方型鑽戒，二人戴黑超以黑色潮味婚紗在沙灘取景拍攝，身旁還有一隻黑色駿馬，型味十足。容天佑留言：「From ME to WE #求完婚就要踏上籌備婚禮嘅路程。」即時得到各方好友送上祝福。
容天佑娶「猛料」老婆
容天佑與扶天恩的婚禮將於11月27日在麗思卡爾頓酒店（Ritz-Carlton）舉行，屆時會筵開23、24席，婚後已有生B計劃。據知，容天佑的未婚妻Winnie家世顯赫，家族生意龐大，而Winnie更是珠寶批發商。今日(11月24日)容天佑與扶天恩派喜餅分享喜悅兼接受《東周網》獨家訪問，容天佑談及有指未婚妻Winnie的家世顯赫，來自一個猛料大家族時，他就笑說：「我都好猛料㗎！」接着Winnie就解說自己並不是來自猛料家族，只是來自一個大家庭，家族成員有很多，而容天佑亦已經接受了她一家人的熱情對待，融入家中。
延伸內容 : 容天佑完成傳統中式過大禮 鮑參翅肚、重磅龍鳳鈪擺滿枱
延伸內容 : 容天佑中秋節報喜訊 甜蜜分享求婚過程 爆指追女仔要靠一個人
未婚妻自爆「好旺夫」天佑滴晒汗
另外，容天佑表示自己和未婚妻都喜歡熱鬧，希望會有小朋友，會努力造人和揾錢買大屋，好讓將來一家人和狗狗都可以住得寬敞啲和開心啲。未婚妻聽到未婚夫為家庭出心出力，她就笑指自己同媽媽一樣是旺夫的，只要用多啲錢，天佑就一定揾到好多錢，Winnie笑說：「我媽媽好旺我爸爸，我爸爸話當媽媽去Shopping用錢嘅時候，佢一定會開到單做到生意有錢返，相反如果我媽留喺屋企唔用錢，爸爸嗰日就會冇乜生意，所以爸爸好鼓勵媽媽買嘢Shopping㗎！我諗我都係一樣，我真係要用多啲錢先得，哈哈哈！」天佑聽到未婚妻的獨特「旺夫論」，就搞笑地話：「我即刻打畀你媽咪問下先，唔好亂學，都係睇定啲先！ 」
