發佈時間：16:10 2025-11-24
吳若希（Jinny）《Gossip of Me》演唱會佛山站，日前在佛山萬豪酒店千燈湖宴會廳•尚梯館圓滿舉行。當日全場爆滿，吳若希唱出所有首本名曲送給當地歌迷，並表示無論遇到任何Gossip，都要成為最好的吳若希，歌迷即大喊要跟她一齊變老，Jinny隨後唱出《感激跟你能夠遇見》時一度感觸落淚，場面感人。
吳若希稱要成為最好的自己
吳若希甫出場便一口氣唱了《炊煙》和《暗湧》，之後她說：「今年係我入行第15年，今次演唱會主題係《Gossip of Me》，咁多年嚟唔開心又係咁樣過，𠵱家大咗，又經歴咗咁多事，我覺得只要做好自己，無論遇到任何Gossip，我都係最好嘅吳若希。」
33歲吳若布指唱到40歲退休
此時台下有觀眾大喊要跟Jinny一起變老，她即笑笑口回應：「同我一齊變老？好吖，我希望我可以唱到40歲；而我今年33歲，仲有7年可以唱，之後我就退休，但係唔緊要嘅，我覺得每一次要珍惜我哋可以見到面嘅機會。」接着Jinny唱出《愛要撐下去》和《第一天失戀》。
特別嘉賓劉芷君演唱《Bad Boy》
吳若希在換過另一套服飾後，再次回到台上演唱《召喚絲》、《可以背負更多》和《眼淚的秘密》，她更到台下跟觀眾握手互動交流，場面非常熱鬧。而特別嘉賓劉芷君（Aster）就在此時出場，又唱又跳經典國語歌《Bad Boy》，她說：「很開心和榮幸可以到佛山做Jinny的演唱會嘉賓，今次是一個很好的學習機會，希望之後有更多機會和大家見面。」
吳若希多謝歌迷一度感觸落淚
吳若希及後落力唱出《錯過了》、《火和火柴》、《我懂了》和《我沒有傷心》，並說：「我好想多謝我嘅Fans，有咗佢哋我先可以收到咁多愛，由出道到𠵱家呢15個年頭，中間發生咗好多事，有一班人依然喺我身邊陪伴住我，所有人我都好珍惜，多謝佢哋曾經喺我生命中出現，所以好多謝各位今晚嚟到現場支持我，送俾大家《感激跟你能夠遇見》。」在唱此曲時，Jinny更一度感觸落淚，最後她以一首大家也能一起唱的《越難越愛》為個唱畫上完美句號。
吳若希考慮在佛山定居
吳若希完Show後受訪時稱：「終於完咗《Gossip of Me》佛山站，呢度係我一個非常熟悉嘅地方，因為《巨塔之后》就係喺呢度開機拍攝，所以今次嚟番呢個場地開演唱會，啲回憶返晒嚟，諗起喺度曾經住咗3個月開心又舒服，仲好有親切感，好似返咗第二個屋企咁。加埋今晚觀眾嘅反應非常好，大家語言接近，同聲同氣，佢哋又鍾意聽我嘅歌，所以有機會嘅話，我真係想喺佛山定居。」
延伸內容：巨塔之后首播︱宣萱換足7個造型 吳若希大晒衣架身形 劉佩玥轉走成熟風做貴婦
延伸內容：吳若希澳門個唱展現全新跳唱形象獲力讚 閨密麥美恩捧場獻花 詹天文開心做嘉賓唱最新派台歌
延伸內容：吳若希正日生日為演唱會澳門站排舞 1日學識獲排舞師讚有天分
《東周網》訪談系列節目《星桄伴我心》11月重磅嘉賓：
即睇：孫慧雪爆拍性感寫真因由 生仔大出血攞命搏 被懷疑是犯罪集團主腦
即睇：「億萬駙馬」伍富橋：人人以我唔使做！爆太太出招試探人品 永不忘被外父羞辱係鴨
立即追蹤《東周刊》全新WhatsApp頻道，緊貼全城熱話、突發猛料、獨家消息！
