發佈時間：18:11 2025-10-24
林盛斌（Bob）同太太黃乙頤（Pearl）結婚18年，二人育有三女一子，大女林霏兒（Faye）不經不覺已經17歲，長得亭亭玉立，更不時在網上晒靚相。林霏兒早前在社交網限時動態發文透露遭網民性騷擾。之後，有網民上載林霏兒的相片，並留言：「咁嘅樣都食得落，邊位仁兄咁樣為呢除害，香港政府應該要頒個大紫荊勳章俾佢。」
林霏兒公開受到性騷擾字句
早前，林霏兒在IG的限時動態公開受到性騷擾的字句，以黑底紅字怒斥：「骯髒過份」，又強調為要為女性發聲：「太過分，有必要講出嚟！」事緣林霏兒收到的粗俗意淫字句，不堪入目又露骨：「可以一X」。林霏兒就以：「積下口德好」回覆，怎料對方再留下：「積下陰X德啦你」。林霏兒將截圖放到IG表達不滿：「控制唔到呢位仁兄講乜，但係其實我真係好多人愛，好多人錫㗎！」又反問對方是否活得更幸福及被愛。
林霏兒之後再出PO表示：「我認為太過火，有必要講出嚟。為自己發聲永遠沒有錯。」林霏兒再以英文寫道：「我希望令這個城市、這個世界變得更美好。特別是為了那些在香港感到不安全和沒有受到保護的女孩子們。我會支持你，與你同在。重申，為自己發聲永遠沒有錯。」
之後，就有自稱為Kenny的網民上載林霏兒的相片，並留言：「咁嘅樣都食得落，邊位仁兄咁樣為呢除害，香港政府應該要頒個大紫荊勳章俾佢。」
女兒被羞辱 林盛斌即時着火
林盛斌的女兒被羞辱，即時着火，他向這位網友開名留言：「Kenny，我相信我唔認識你，你亦都唔認識我，我唔知道你出呢個post嘅意圖係乜嘢，可能你係想蹭吓個熱度，蹭吓個流量？定係想侮辱吓我嘅屋企人，希望令到佢哋唔開心？如果係咁嘅話，好遺憾要同你講聲，你呢個唔係太有善意嘅企圖，應該好難成功。尋晚我將你呢個post俾咗我啲屋企人睇，佢哋完全冇任何嘅感覺，大家姐仲話你揀呢張相幾靚添，所以唔好意思，令你失望，我個仔仲問我，點解你個樣係一支紅酒同埋一件蛋糕，跟住我哋一家人就笑得好開心。我想講，我同我嘅屋企人，包括我太太同啲小朋友，都比你想像中勇敢、堅強、正面、有胸襟、有自信。可能你出呢個post嘅時候會覺得好好玩，好得意，又或者想得到其他人嘅認同令到你嘅感覺良好啲，我估我呢個post應該令你感覺到你會多返啲存在感。我見到你話想搵個地方寫吓嘢，識吓人，你呢個想法係好好嘅，我亦都非常支持，但係如果係要寫呢啲嘢去引人注意，你都要諗吓你吸引返嚟嘅，會係啲咩人。」
教網友「己所不欲，勿施於人」
林盛斌又話相信這位網友都聽過「己所不欲，勿施於人」，問他：「你諗吓，如果我將你阿媽個樣post出嚟，然後寫返類似你寫嘅字，你嘅感覺係點呢？佢嘅感覺又會係點呢？又或者唔係你阿媽，係你嘅女朋友，或者好朋友，佢哋又會有咩感受呢？認真嘅，我真係好想你好好諗吓。我絕對唔係聖人，我都試過講錯嘢，亦都試過做錯事，我仍然努力學習去改進同改善中，慢慢去認知乜嘢係啱，乜嘢係唔啱，你呢個post嘅內容，確實，真係有啲唔係咁好。其實，真係冇要求過要你特別去愛我哋，但係又有冇需要專登去攻擊同傷害呢？你可能對我或者對我嘅屋企人有意見，不過，我仍然衷心祝福你有開心同愉快嘅生活。」
寸網友藏頭露尾 冇膽見人
之後，林盛斌話對於兒子問為何網友不放自己的頭像到社交網站，他就答兒子這個問題：「可能呢個哥哥好驚俾人見到佢個真樣，所以佢咪唔放自己個頭像上去囉，你見佢之前出嘅所有嘢都冇佢個樣㗎，咁佢就可以喺個網絡上面寫好多嘢，啲人都唔知佢係邊個，好似寫乜都得咁囉。」跟住兒子話：「吓，佢驚咩呀？」林盛斌再答兒子：「係囉，Kenny，你驚咩呀？」
《東周網》訪談系列節目《星桄伴我心》10月重磅嘉賓：
即睇：湯令山失戀情歌點擊破1500萬 坦認喊住唱 揭Wyman教做人智慧 爆生得唔高謎團 曾擔心生計做某件事
即睇：鍾鎮濤與范姜「姜濤戀」有火花對談 拍《巨塔之后》床上戲心得
立即追蹤《東周刊》全新WhatsApp頻道，緊貼全城熱話、突發猛料、獨家消息！
