發佈時間：17:35 2025-10-23
梁敏巧（Maggie）昨晚（22日）於《金式森林》客串「八婆網紅」阿May一角，超搶鏡！劇中講她出動白鵠眼和囂張樣挑機江嘉敏，沒想到喜感十足。她之所以演得入型入格，是因為自6年前開始拍劇，多演路人甲，難得首次演有名字的角色，所以事前她做足準備，更自揭每句對白至少練習100次：「盡量Explore唔同嘅語氣。」
梁敏巧直播挑機江嘉敏
梁敏巧在劇中飾演的網紅在街頭直播時巧遇由江嘉敏飾演的方芷君，不僅強拉對方入鏡，更以囂張態度連番挑釁，句句尖銳：「做唔到方仰天（郭晉安飾）個女係咪好唔Gur？」、「告我吖，講事實！」及「打我吖！你唔夠膽呀？」正當江嘉敏被激怒欲出手之際，事件驚動警方，雙方被帶返警署調解。
羅子溢擺和頭宴化解糾紛
為免江嘉敏惹上官非，劇中飾演高深的羅子溢，特別安排和頭宴試圖化解糾紛。梁敏巧初時十分氣燄，不單面上露出不屑表情，更忽然吐出口中食物嫌棄有渣，並扮頭痛欲離開，態度輕蔑說：「𠵱家係你買我怕，我鍾意幾時頭痛就幾時頭痛，你唔好以為講聲Sorry就冇嘢，就算你畀番一百幾十萬我，我都未必肯同你和解。」
臨走前她還態度惡劣吩咐羅子溢：「喂！你呀，叫啲Waiter嗌啲最靚最貴嗰啲咩和牛呀、魚子醬我打包，叫完攞埋落我架車度。」然而好戲在後頭，原來羅子溢早已錄下她的惡劣行徑，並威脅公開片段。梁敏巧即冇嘢講，並迅速簽下和解書，並低聲下氣向二人道謝講拜拜。
梁敏巧拍劇6年首演有名字角色
梁敏巧在劇中「八婆網紅」阿May演得入型入格，尤其是用白鴿眼配合連環囂張挑機表情，但之後又極速洩氣變鵪鶉，極具喜感。事實上，梁敏巧自2020年起參與劇集演出後，6年來都只演「路人甲」，包括少女、護士、記者、客人和觀眾等，她在受訪時直認阿May是她入行以來第一個有名字的角色：「亦係最多對白，同埋係我第一次試做八婆啲嘅角色。」
自揭每句對白至少練習100次
談到事前準備，梁敏巧透露平時除了看電影取經，也會透過「觀察」去吸收：「我好鍾意留意日常生活唔同嘅人，可能喺茶餐廳食嘢、又或者只係企喺條街度，我都會留意番各種唔同嘅人生百態，返去消化完再同自己角色扮演。」由於是客串演出，梁敏巧準備的時間不多，但她仍堅持每天在家中練習，她說：「同一句對白我會練習100次左右，同埋盡量Explore唔同嘅語氣，然後搵一個自己最舒服嘅語氣去Present，好似『我好頭痛』嗰句，我試過用溫和、嬲、無奈或者八婆等唔同嘅語氣去講，因為我演戲仲係好新，未係可以好『無我』地臨場反應到，所以我就試吓用重複讀對白嘅方法，希望觀眾睇得舒服、自己又演得自然啲。」
延伸內容：梁敏巧跑馬地300多呎閨房 一屋Chiikawa陪瞓 滿載少女心
延伸內容：梁敏巧劉啟進Matt以情侶檔現身天水圍幼稚園慶中秋送暖
延伸內容：梁敏巧因《女神配對計劃》收入倍增 豪送老父電動越野車
《東周網》訪談系列節目《星桄伴我心》10月重磅嘉賓：
即睇：湯令山失戀情歌點擊破1500萬 坦認喊住唱 揭Wyman教做人智慧 爆生得唔高謎團 曾擔心生計做某件事
即睇：鍾鎮濤與范姜「姜濤戀」有火花對談 拍《巨塔之后》床上戲心得
立即追蹤《東周刊》全新WhatsApp頻道，緊貼全城熱話、突發猛料、獨家消息！
