發佈時間：19:20 2025-10-20
杜德偉一連兩場《GET UP 世界巡迴演唱會—香港站》於昨晚（19日）在紅館圓滿落幕，尾場演出眾星雲集，包括「子華神」黃子華、哥哥杜德智、草蜢、吳建豪、李樂詩、Gin Lee李幸倪、林敏驄、方力申、朱鑑然、張達明、劉培基、肥仔@ERROR，以及呂方和囡囡Emma，而Emma更在台下跳足全晚，表現興奮，現場氣氛十分熱鬧。
延伸內容：杜德偉開騷｜「舞皇」入行40年 林志穎台灣來港撐場 梁家輝、容祖兒High爆《脫掉》
演唱會以三代隔空對唱最感人
演唱會中最令人動容的環節，為杜德偉與8歲兒子AJ及已故父親杜奧利（Ollie Delfino）的三代隔空對唱。當杜德偉演唱《Wonderful World》時，大螢幕播放杜氏父子珍貴合照，身穿白色西裝的AJ驚喜登台，與父親溫情合唱。AJ台風淡定，完成表演後更獲同學獻花支持，杜德偉笑言此舉成功拉低觀眾平均年齡。
杜德偉台上叮囑兒子要好好讀書
杜德偉在台上真情流露，不時都會想起亡父，並感觸落淚說：「如果佢仲喺度，今日都會入場，鏡頭影吓佢、佢會揮吓手。我同Daddy感情好好，佢離開後我真係好難過，但有長輩安慰我，話佢會返嚟我身邊，識我Daddy嘅朋友，都會叫佢做Alex Daddy，直到我聽到有人叫我做AJ Daddy，我就明白晒。」
杜德偉對AJ表示昨晚是他人生首個紅館演唱會，但接下來又要暫別樂壇，故叮囑他要好好讀書及返屋企做功課，而AJ即表示「做晒喇」，聽到獲准「返後台食嘢」時，AJ更大叫「Yes」十分可愛！
延伸內容：杜德偉出道40周年 時隔10年再登紅館 推新歌《黑白》宣傳夠震撼
感謝吳建豪專程從台灣來港支持
杜德偉巡迴演唱會自2019年啟動，歷經疫情波折，杜德偉坦言所有改進都是為了命中注定的香港站。他特別感謝專程從台灣來港支持的吳建豪，以及始終在身邊給予支持的太太Ice，他形容妻子外柔內剛，總能促使他追求更好表現。演出尾聲的點唱環節，杜德偉即興清唱《只想留下》與《鍾愛一生》，引發全場大合唱，為演出畫下完美句點。
計劃5年後再開個唱？一切隨緣
完騷後受訪時，杜德偉透露三代同台環節最令自己感動：「綵排時都覺得到正式時會『瀨嘢』，嗰種感覺真係控制唔到，全場點晒燈，到我Daddy唱嗰部分支咪升上嚟，真係忍唔住好感動。可能因為香港主場，比上次台灣更感觸，現場有好多親朋好友，佢哋好了解同錫我。」
杜德偉又希望為囝囝AJ留下難忘時刻，更爆AJ十分輕鬆，一到場便問：「係咪可以即刻上台？」見囝囝獲如此多人愛錫，自己也感到安慰。被問到是否計劃5年後再開個唱？杜德偉認為一切隨緣，但「緣份」來到時，一定會盡力做到最好。
延伸內容：杜德偉巡唱fans冒雨捧場 孖蘇有朋《脫掉》成網站搜話題
《東周網》訪談系列節目《星桄伴我心》10月重磅嘉賓：
即睇：湯令山失戀情歌點擊破1500萬 坦認喊住唱 揭Wyman教做人智慧 爆生得唔高謎團 曾擔心生計做某件事
即睇：鍾鎮濤與范姜「姜濤戀」有火花對談 拍《巨塔之后》床上戲心得
立即追蹤《東周刊》全新WhatsApp頻道，緊貼全城熱話、突發猛料、獨家消息！
