發佈時間：17:33 2025-10-17
第13集《巨塔之后》講到明塱醫院為配合優化計劃、實施了凍薪及削減福利等措施，結果引發醫護人員罷工抗議，致醫院人手嚴重短缺、陷入混亂。工潮期間，王啟心（陳楨怡飾）昏迷多時的男友程亦謙（李爾晨Kyle飾）奇蹟甦醒，二人在病床上相擁喜極痛哭，獲不少網民大讚感動，紛紛表示被這對苦命小情人搞到淚崩，亦為他們終守得雲開而高興；豈料正當啟心帶亦謙轉院接受更好的治療時卻遇上車禍意外，亦謙「醒番」未夠半集即死。
李爾晨躺平足12集 自爆最苦一件事
由於李爾晨的「甦醒」實在來得太短暫，有網民以「活不過三秒」形容李爾晨的角色，更有網民搞笑留言指Kyle「幾乎全劇都睡在床上」，笑指他這樣拍劇賺錢很舒服，對此Kyle接受官方訪問時笑言身邊好友也曾指他很歎：「我身邊有朋友睇完話：『喂！你呢個角色全程瞓喺度，應該係你從影以嚟收錢收得最舒服嘅一個角色嘞！』」但Kyle笑言其實拍劇「躺平」也有「躺平」的苦處：「我知聽落係好舒服，但其實因為我要插住鼻喉唔可以成日郁，所以每次一轉（機）位，我唔可以好似其他人咁出去唞涼吹風飲水，我只能夠繼續瞓喺度唔郁。」Kyle又指與陳楨怡本身是朋友，因此今次合作經常聽到其演繹深情對白，感到搞笑：「因為我要長期瞓喺度聽陳楨怡講對白，雖然Feel到佢真係好愛亦謙，但因為佢講啲對白好肉麻，我唔係好慣，所以有時都會忍唔住笑。」
「虛弱」病人狀態嚇窒台前幕後
平時以大隻仔見稱的Kyle，笑言穿起病人服的他，令片場不少台前幕後都大感不適應：「我每次著住件病人衫、頭又唔gel、妝又唔化，其他人就會話：『喂！Kyle，睇唔慣你咁弱嘅樣！』庭鋒、陳楨怡都有咁講。」Kyle又感激佳導及劇組為「甦醒的亦謙」加了一場對白：「有一日佳導話寫多咗一場戲畀我，叫我好好預備。而呢一場戲深刻嘅地方在於，因為我第一次演植物人醒番後講嘢，個狀態唔可以好精靈、亦唔可以太頹廢，都困難嘅！雖然只係幾句對白，但我都有好用心準備點樣講得好啲，我每一take都帶有眼淚，希望大家感受到我同楨怡嗰份情。」Kyle更透露為此專誠向戲劇導師兼演員鄧智堅請教，非常認真！
感激拍《巨塔》 獲暢遊布拉格
其實Kyle拍攝《巨塔》的優差並不限於「躺平」，而是獲得飛赴布拉格拍外景的機會，兼中間有五日空檔可以暢遊這個對他來說是人生Checkpoint的旅行地點：「同宣萱姐姐、蔣家旻、陳楨怡、阿Moon佢哋一齊喺布拉格玩嘅時光真係好難忘，希望再有機會去啦！」
為前香港男子甲一排球員
李爾晨不但有樣有身材，更是前香港男子甲一排球員。Kyle不但在2016年幫助球隊奪得首個全港公開馬拉松排球賽冠軍，而且更在2016和2017年，連續兩年幫助球隊奪得「甲一排球聯賽」冠軍。此外，Kyle亦以球隊成員身份參與「2017亞洲球會盃」，協助球隊最終獲得亞洲第13名的成績，創下當時香港球隊的最佳成績，相當厲害！
延伸內容 : 年輕版梁山伯沖涼晒肌好吸睛 李爾晨本身係…
延伸內容 : 「肌肉男」李爾晨 為辦好健身室持續失眠
