發佈時間：16:37 2025-10-13
近日，娛圈喜事特別多，繼胡定欣和莊思敏報喜外，前英皇小花曾樂彤亦與音樂監製徐浩昨晚（10月12日）拉埋天窗，在尖沙咀瑰麗酒店舉辦婚禮。現年31歲的曾樂彤在19歲開始已經在YouTube拍片，可謂本港初代Youtuber。曾樂彤在2017年獲英皇娛樂簽約成為旗下歌手，2018年出道時曾橫掃樂壇新人獎，至2024年低調離開公司。曾樂彤與徐浩一直有在工作上合作，至2023年傳出戀情，女方於5月曾在Instagram貼出兩人搞鬼的甜蜜合照並表示求婚成功，帖文寫上：「徐監製，繼續合作愉快」。
唔急展開造人計劃
昨晚一對新人見傳媒時，大方應要求接吻，又一同展示手上的婚戒，徐浩接受訪時自爆昨早讀愛的宣言時，一說到曾樂二字即大喊，即時要伏在櫃上冷靜，又稱在注册時也有落淚；而曾樂彤坦言十分感動，但對自己說要控制住面部表情，因為看回昨日早上的相片時，見到徐浩扭曲的表情即忍不住爆笑，都有問徐浩介不介意發給傳媒，徐浩就只要太太開心就OK。
問到二人是否有造人計劃，曾樂彤就話：「單身就Chur結婚，結婚就Chur生仔，我真係覺得做人唔需要咁harsh，尤其依家啱啱先可以周圍飛，個大環境又開始好番，我覺得我哋要積極去做一啲應該Focus嘅嘢。」而問到徐浩驚唔驚娶了老婆之後，會面對婆媳問題，他就笑言：「唔會啦！彤彤好好，我爸爸媽媽好錫佢，佢爸爸媽媽都錫我，大家嘅爸爸媽媽都好friend，佢哋會自己約去行街食飯、去旅行，我哋都好安慰。」
MIRROR 9子齊人到場
曾樂彤同徐浩人緣好，婚宴上有不少娛圈中人出席，包括曾樂彤好姊妹阿Sa蔡卓妍、張繼聰謝安琪夫婦、陳柏宇、周柏豪、陳蕾、張天賦、Jeffrey魏浚笙。由於徐浩曾為MIRROR製作歌曲，故此MIRROR全團大部份成員都有去飲，除咗Lokman（楊樂文）、姜濤及Stanley（邱士縉）外，其餘9子齊人到場。
蔡卓妍現身曾樂彤婚前派對 風騷晒長腿
曾樂彤在婚禮前，上載多張婚前派對靚相到社交網站，相片所見陪嫁閨蜜和姊妹陣容相當大，除了蔡卓妍之外，戴祖儀、蔡明思、沈殷怡、彭秀慧、柯驛誼（盤菜瑩子）等都有出席，曾樂彤寫道「進入最後倒數階段，除咗感恩就係感恩。由細到大從來無舉辦過屬於自己嘅Party，多謝我嘅好姊妹 @choisaaaa 以Bridal Shower嘅名義，去將所有我愛同愛我嘅人放埋一齊，仲要多謝我嘅姐妹團（辛苦你地了）同其他出席嘅姐妹們」。相中所見，蔡卓妍表現得非常風騷，和曾樂彤擺出不少性感甫士，晒長腿、迷人眼等，超吸睛。
