更新時間：10:00 2025-10-12
發佈時間：10:00 2025-10-12
發佈時間：10:00 2025-10-12
入行4年的胡敏芝（Karen），早前憑劇集《麻雀樂團》成功「入屋」。樣子清純的她，於劇中飾演「程晴」這個騰雞角色，確實入型入格，結局篇的一場食飯哭戲，網民都大讚她喊出了潛力。作為自己的處女劇，Karen表示很滿意：「謝東閔係一個好好嘅大哥哥，佢教識我好多嘢，帶我入戲，第一次能夠有咁重嘅戲份，真係要多謝公司，而我嘅偶像係陳豪，希望下一次有機會同佢合作。」
雖然Karen的事業正在上軌道，但她從不掩飾自己有一個拍拖7年的男友，她坦言：「佢係做護士嘅，佢一直知道我好想入行，所以好支持我，亦唔會話我做咗呢行冇時間陪佢。有時我因為要拍嘢，就唔會理所有人，包括屋企人；總之一開劇，我就會唔同佢（男友）見面。」難怪獲得公司培裁。
昔日，胡敏芝有「鬧交KOL」的綽號，因試過同男朋友在家鬧交，而搞到要警察上門調解，另她鬧交時還有一句口頭禪：「早知唔同你一齊。」她又自爆跟男友拍拖初期，最厲害一次嗌足6小時，她笑說：「嗌吓、喊吓，又唞下⋯⋯鬧交係磨合嘅一種方法，向另一半表達自己想法，然後諗辦法互相遷就。」然而，Karen表示自己現時已經搣甩「鬧交KOL」之名，因想留番啖氣暖吓肚喎。
Profile
姓名 ：胡敏芝
英文名：Karen
年齡 ：26歲
身高 ：163 cm
學歷 ：香港中文大學新聞及傳理學系
入行 ：第31期無綫藝員訓練班
參演 ： 《麻雀樂團》、《旅行最緊要近》、《不正常愛情研究所》、《野外步出加大馬》、 《荷蘭pop guide》等。
延伸內容：麻雀樂團│同謝東閔呆萌表情神同步 胡敏芝難忘拍掌摑戲 嚇到聲震震
延伸內容：《麻雀樂團》郭柏妍首出場4大造型搶鏡 胡敏芝為襯謝東閔極速減磅去Baby Fat
《東周網》訪談系列節目《星桄伴我心》10月重磅嘉賓：
即睇：湯令山失戀情歌點擊破1500萬 坦認喊住唱 揭Wyman教做人智慧 爆生得唔高謎團 曾擔心生計做某件事
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
