發佈時間：13:35 2025-10-07
RubberBand與側田同期出道，他們決定合體開騷，將於12月13日在西九文化區AXA x Wonderland舉行音樂會。為此6號@RubberBand表示非常期待，他形容側田為「音樂狂人」，相信會擦出好多火花。而現時長居海外的側田，也稱機會難逢，並將返港一齊練歌，務求以最佳狀態演出。
RubberBand側田識於微時
對於可以跟同期出道的歌手一齊開音樂會，6號直言：「我哋識於微時，以前又係同公司，好似重返入行嘅時候，有興奮嘅心情，因為有兩個單位嘅火花，同自己做騷有好大分別。其實10年前同公司時，我哋都有唔少機會同台演出，當時我哋『入世未深』，只顧自己部份，希望今次將側田融入成為一隊大編制的樂隊，大家可以隨時『轉位』表演，呢個就係今次好玩嘅哋方。」
6號形容側田為「音樂狂人」
6號@RubberBand形容側田為「音樂狂人」，十分欣賞他對音樂的「堅持」：「他的唱歌技巧、感情係好高階，佢嘅流行Hit歌係當時嘅回憶，轉眼就20年，『回憶殺』相信係今次個唱其中一部份。我最想唱佢嘅《Erica》，20年前第一次以RubberBand身份，改篇呢首歌同側田合唱，所以好想圓夢再唱多次。」
側田稱「合體」機會難逢
側田同樣表示這次「合體」真的機會難得，希望擦出新火花給樂迷驚喜：「其實真係要多謝主辦單位嘅牽線，我同RubberBand識咗好耐，以前都係同公司，但一齊開騷真係未試過，所以今次有機會合作，真係好難得。我好珍惜呢次機會，希望同佢哋撞出啲新火花，帶俾觀眾一個驚喜。」
他續稱Cross Over感覺新鮮，預期觀眾應該鍾意這次演唱會：「其實我鍾意佢哋好多歌，我都想唱多啲勵志嘅歌，帶多少少Gospel風格。我哋將會融合成一隊Band，等於呢隊Band多咗一個主唱同和聲。」
側田將返港一齊練歌
現時側田長居海外，他將會返香港練歌，務求以最佳狀態演出，他說：「綵排我一定會返香港，現場一齊夾先至最有火花，所以點都會返嚟一齊練。其實我哋都係Mark Lui帶入行，音樂路上行嘅方向都好相似，加上都試過同公司，所以感覺上會特別夾。」
「RubberBand x 側田 《Just Rub It》 Live」
日期：2025 年 12 月 13 日（星期六）
時間：晚上7:30
地點：西九文化區 安盛竹翠公園
票價：HK$388 / $688 / $888
優先購票：10月13日（一）12:00pm至11:59pm（恒生Mastercard信用卡）
公開發售：2025 年10月15日（三）12:00pm起
購票平台：KLOOK
延伸內容：RubberBand再訪非洲感受良多 見師生討論AI即滴汗
《東周網》訪談系列節目《星桄伴我心》9月重磅嘉賓：
即睇：羅毓儀淚眼訴說4段情 冧數林俊其出「七連招」追求 甜蜜剖白：我想出年結婚！
即睇：鄭子誠感動細訴與劉倩怡「手指公」情緣 爆因黃夏蕙變奸 因陳百強變成偷渡客
立即追蹤《東周刊》全新WhatsApp頻道，緊貼全城熱話、突發猛料、獨家消息！
