發佈時間：17:41 2025-09-22
TVB小生羅天宇日前被發現陪好友翟威廉，現身荃灣一車展睇電動車，而孖生兄弟周志文與周志康亦同場現身，睇同一款價值約$27萬港元的電動車。翟威廉事後受訪表示，為方便經營清酒生意，所以想買車自行送貨；而周志康則是陪哥哥周志文睇車，莫非為緋聞女友劉佩玥做「柴可夫」？
羅天宇做是翟威廉「最佳軍師」
近日羅天宇忙於宣傳新劇《金色森林》，但仍不忘抽空陪好友翟威廉參觀電動車展。據目擊者表示，翟威廉即場對幾款電動車都表現出濃厚興趣，不僅親自試坐駕駛座，還詳細了解車內空間與尾箱容量。向來熟悉汽車的羅天宇則在旁提供專業意見，兩人仔細討論不同車型的性能與價格。事後翟威廉承認正考慮購置電動車，更直言羅天宇是他的「最佳軍師」。
買車方便清酒生意自行送貨
翟威廉解釋睇車原因與其清酒生意有關：「𠵱家清酒生意經常有跨區送貨嘅需要，所以都想睇吓有冇啲電車可以自己揸去送貨，咁會方便同彈性啲。」他補充選擇電動車是出於長遠經濟考慮：「𠵱家電車性價比高，充電又越嚟越方便，對比起油車，長遠嚟講營運成本控制都比較容易，環保啲之餘又符合經濟效益。」據資料顯示，當日他們研究的電動車價格約$27萬港元。
周志康陪兄周志文睇27萬電動車
另一邊廂，久未同框的周志文與周志康兄弟亦現身同一車展。兩兄弟對展出的多款電動車顯得極有興趣，不僅細心觀察車輛內飾和配置，還不時交流意見。據了解，哥哥周志文近年將事業重心轉向內地，除了參與影視拍攝外，更開設廚具生意；弟弟周志康則繼續留守TVB發展演藝事業，並已組織家庭成為兩女之父。
周志文為劉佩玥做「柴可夫」？
周志康事後接受訪問時表示：「其實今次係陪志文一齊睇車，因為開展咗廚具生意之後志文嘅收入比較穩定，所以都想物色一架車去代步。」被問到會否真的買車時，周志文笑言：「其實真係心郁郁好想買，因為睇咗車款好啱心水；不過都要諗清諗楚先。」問他若購車後會率先接送邊個？周志文幽默回應：「梗係車爹哋媽咪啦，仲可以陪媽咪去買餸。（會唔會車劉佩玥？）只要係朋友，我都好樂意做柴可夫。」
兩對藝人雖然事業發展各異，但同樣展現出深厚的兄弟情。羅天宇與翟威廉因拍戲和打籃球結為好友，而周氏兄弟自《超級巨聲》出道以來一直互相支持，成為娛樂圈中難得的真兄弟。
《東周網》訪談系列節目《星桄伴我心》9月重磅嘉賓：
即睇：羅毓儀淚眼訴說4段情 冧數林俊其出「七連招」追求 甜蜜剖白：我想出年結婚！
立即追蹤《東周刊》全新WhatsApp頻道，緊貼全城熱話、突發猛料、獨家消息！
