發佈時間：15:00 2025-09-13
《女神配對計劃 最後告白》將於明晚（14日）播出大結局，5位女神包括葉蒨文（Sophie）、關嘉敏（Carman）、梁敏巧（Maggie）、羅毓儀（Yuki）及李芷晴（Stephanie），與7位求愛勇者包括曾展望（GM）、林堡熙（Eddie）、姜卓文（細John）、黃家俊（Matthew）、劉啟進（Matt）、林俊其（Kris）及林焌堯（Jacob），將齊齊穿上婚紗／禮服，於佈置浪漫的禮堂中進行「終極配對」。
5位女神輪流與勇者進行配對
今日（13日）有大結局搶先睇宣傳照，可見現場佈置得如真實結婚場地一樣。現場不但有女神們及求愛勇者，還專誠邀請支持他們的親友到場，場面熱鬧。在主持人兼金牌媒人阿Bob林盛斌的帶領下，5位女神將輪流與自己組的勇者進行配對，在男、女雙方各自說出「最後告白」後，只要雙方在限時10秒內將身體轉向自己的女神／勇者，配對便為之成功！
根據官方宣傳照顯示，在配對期間，Sophie一度哭成淚人，未知是否因苦陷「2揀1 Dilemma」有關！另外，當有CP成功配對後，媒人阿Bob一度興奮至瘋狂大嗌兼驚現聲沙狀況，相當肉緊，看來未到最後一刻都未有定案。
7求愛勇者「最後告白」搶先睇
為了讓大家率先感受大結局的現場氣氛，大會特地發布了7位求愛勇者的「最後告白」。當中兩大勁敵林堡熙和曾展望成焦點，前者叫叫Sophie不要太理性；後者則盡情表達愛的宣言。
1 林俊其向羅毓儀：
「等我嚟照顧你，你淨係需要做一個開開心心，最純粹嘅你就夠。」
2 林焌堯向李芷晴：
「就算天氣唔好，睇唔到星星，我都會變做一粒星星，永遠喺你旁邊陪伴住你、照亮住你。」
3 劉啟進向梁敏巧：
「我係對你有好感，亦都好想繼續認識你、了解你，尤其節目外嘅你。」
4 姜卓文向關嘉敏：
「我都好擔心你會點睇我…我希望你知道無論結果係點都好，我都希望你開心，繼續做自己。」
5 黃家俊向關嘉敏：
「Carman，我由一開始就係揀咗你…我希望真係大家會做到互補不足。」
6 林堡熙向葉蒨文：
「你做呢個選擇時可以輕鬆啲，唔使咁理性架，你個心入面、腦入面第一個人，出現嗰個就係嗰個架喇，唔好畀太大壓力自己。」
7 曾展望向葉蒨文：
「我唔想我生活冇咗你，但如果你問我，每次約會我會同你講啲咩呢？我可以好肯定咁講......」
延伸內容：女神配對計劃 │姜卓文拒愛關嘉敏有原因 更爆有退出諗法
延伸內容：女神配對計劃｜羅毓儀林俊其最後約會 唱情歌玩浪漫 估佢唔到「驚人」唱功反而......
延伸內容：女神配對計劃︱葉蒨文追求者林堡熙自爆「因為一件事」一早想退出
延伸內容：女神配對計劃 │梁敏巧同Matt四手聯彈 真情告白超感動 網友力推「接受這份愛」
延伸內容：女神配對計劃︱曾展望直播冧稱葉蒨文係「唯一」爆女神曾為佢做一件Sweet爆事 !
《東周網》訪談系列節目《星桄伴我心》9月重磅嘉賓：
即睇：羅毓儀淚眼訴說4段情 冧數林俊其出「七連招」追求 甜蜜剖白：我想出年結婚！
