發佈時間：17:41 2025-09-08
梁敏巧（Maggie） 參選港姐入行，更因主持《東張西望》成為「東張女神」之一。最近又在《女神配對計劃》尋找Mr.Right，展示她鮮為人知的一面。早年曾任報章記者的她，見暑假剛完結為開學周，新一屆港姐又出爐，她忽然公開早年中學時代，自己在某快餐店做暑期工的舊照，更分享初入社會面對不同人物的經歷，她自爆曾被偷窺及跟蹤，幸好有驚無險，真是「多姿多彩」的暑假經歷。
人生第一份暑期工做大快活
梁敏巧趁開學第一個禮拜，她突然想分享一下她做人生第一份暑期工，就是在快餐店大快活。她笑言：「我嗰期應該係興做Uniqlo定hollister，但我都係去做大快活，當時我申請係寫做樓面嘅，但後尾經理要我做收銀，所以就一半樓面一半收銀。」而點解她想做這份工？她解釋：「因為我覺得好有趣，好睇到人生百態。當年有個中年男人俾人炒咗嚟打躉扮返工；又有幾個老人家當呢度係社區會堂好開心；亦都有同年齡小朋友離家出走唔肯返屋企，試過送碟魚蛋俾個老人家，佢感動到喊。」
被男同事偷窺跟蹤兼白做倒貼
梁敏巧工作期間，最恐怖是是遇到變態佬同事，他居然在員工專換衫的地方偷𥄫Maggie換衫，後來這位男同事被其他1姨姨同事鬧到飛起，之後個男同事竟然仲跟蹤她返屋企，Maggie表示：「嗰陣住沙頭角禁區，所以唔怕。」她亦試過收錯錢要賠番俾公司，結果白做兼要倒貼。
當中她覺得最有趣的是：「為大家解答大快活迷思，當然青色眼影係制服之一，嗰陣收銀個櫃桶長期有盒青色眼影，以防大家唔記得化妝，橙色制服加綠色眼影真係不得了。」同時加映Maggie為鼓勵同學仔，分享昔日的學生相，可回顧一下她由青澀學生妹變「女神」的過程。
延伸內容：女神配對計劃 │梁敏巧同Matt四手聯彈 真情告白超感動 網友力推「接受這份愛」
延伸內容：女神配對計劃│梁敏巧被爆堅撻着「暖男律師Matt」 二人回應甜到漏
延伸內容：《女神配對計劃》配對成功 爆梁敏巧堅撻着「暖男律師」
《東周網》訪談系列節目《星桄伴我心》8月重磅嘉賓：
即睇：譚輝智親解拉姑寵愛之謎 爆喊陪最愛開刀「望住手術室盞燈，我真係好驚！」
即睇：楊思琦破天荒講跳水前度吳帥：「好多人話我貪慕虛榮！」 親揭神秘老公底細 收$1200傾偈5分鐘解謎 與13歲女兒獨家真情對話
即睇：譚俊彥大爆與李佳芯電話傾心事內容│太太放棄演藝事業下嫁│親解爸爸狄龍與姜大衛不和謎團
