發佈時間：19:14 2025-08-25
林家謙一連10場的《White Summer》演唱會昨晚（24日）來到第5場，演出嘉賓再度帶來驚喜，竟邀請到另一樂壇天后莫文蔚（Karen Mok）特地從意大利飛返香港登場。二人不僅合唱經典金曲，更在台上幽默互動，引發全場笑聲不斷。
林家謙見莫文蔚難掩興奮之情
Karen出場時，林家謙難掩興奮之情，他坦言：「真係好多謝你，多謝你特登從意大利飛返來！」Karen則回應道：「我好開心，多謝你邀請我。上次我地合作係5、6年前，疫情嗰陣......所以今次你叫我，我點都要飛返嚟支持你。」
林家謙在台上分享，Karen的音樂是他成長時期的重要養分，更透露童年時因哥哥經常於房間播放她的歌曲，甚至「半夢半醒都聽緊莫文蔚」，莫文蔚即笑稱：「唔怪得你音樂咁出色啦！」引來大遍掌聲。
對《全身莫文蔚》專輯封面感好奇
其後林家謙提到自己6歲時第一次見到Karen的《全身莫文蔚》專輯封面非常好奇，他笑道：「嗰陣細個，會諗究竟係衫定係布？定係身體？唔知係咩嚟嘅.....」再引發全場笑聲，他更即場拿出實體碟展示說：「其實我帶咗嚟，可唔可以俾大家睇？你會唔會尷尬？」再次引來全場歡呼。Karen大方回應：「15歲以上可以睇㗎！你91年出世，隻碟係96、97年出，咁細個點解會聽呢隻碟㗎，你屋企又俾你買嘅？真係識貨！」她繼續對觀眾說：「其實裏面嘅歌好正，係好嘢來，雖然你地嗰陣可能未出世。」林家謙突然笑說：「我諗住下隻碟都係咁影。」Karen即大笑道：「係咪㗎？我會買呀！家謙，你咁重口味，唔好啦？」
拿實體碟上台要求莫文蔚簽名
林家謙難得拿着實體碟上台，當然要求Karen在唱片上簽名，期間更緊張地向Karen說：「你唔好簽落個身體到！」笑到全場碌地。簽好之後，他開心兼自豪展示給大家欣賞，而歌迷就不斷呼喊笑他「自肥」！
其後，林家謙表示接下來要唱他童年時期時常聽的「洗腦歌」——莫文蔚的經典作品《冷雨》。他透露因哥哥是DJ，家中播放這首歌不下數千次，更稱其為「我家的至尊歌」。二人隨即合唱這首經典，完美和聲讓觀眾聽得如痴如醉。
延伸內容：林家謙White Summer演唱會 自肥系列 完成與Stephy合唱夢想 採排時已經唱到想喊
延伸內容：林家謙個唱│梁詠琪驚喜現身 承諾寫「矮仔正傳」贈家謙 爆笑全場
延伸內容：林家謙首場個唱大騷舞技又感觸落淚 鄭秀文任嘉賓送熨衫板作回禮
《東周網》訪談系列節目《星桄伴我心》8月重磅嘉賓：
即睇：譚輝智親解拉姑寵愛之謎 爆喊陪最愛開刀「望住手術室盞燈，我真係好驚！」
即睇：楊思琦破天荒講跳水前度吳帥：「好多人話我貪慕虛榮！」 親揭神秘老公底細 收$1200傾偈5分鐘解謎 與13歲女兒獨家真情對話
即睇：譚俊彥大爆與李佳芯電話傾心事內容│太太放棄演藝事業下嫁│親解爸爸狄龍與姜大衛不和謎團
