更新時間：15:28 2025-08-23
發佈時間：15:28 2025-08-23
發佈時間：15:28 2025-08-23
《麻雀樂團》昨晚（8月22 日）一集，「變態殺人狂」楊堅（林溥來飾）與久哥（譚俊彥飾）肉搏期間，意外被車撞死，幸好久哥最後仍成功靠細微線索、尋回被帶至荒山野嶺的鐵姐（李佳芯飾）。昨晚一集相當多元，開頭的久哥與楊堅肉搏戲，以及尾段久哥經營的大龍鳳隨時迎來執笠一段都相當緊張；而中段由胡敏芝及謝東閔Carry的假分手戲，則夠晒輕鬆兼爆笑。
胡敏芝難忘掌摑謝東閔 緊張指數爆燈
劇情邁到謝東閔飾演的孝成，因要離開香港到美國繼續發展音樂事業，為免遭久哥算賬，孝成找來程晴（胡敏芝Karen飾）拍硬檔，上演「假分手二重奏」戲碼。孝成先「安排」平時膽小如鼠的程晴，在與其他人吃飯期間五時三刻無緣無故發脾氣；之後急於「大結局」的金成，更逼令程晴在眾人面前大大力摑他一巴，為分手畫上完美句號…不過由於程晴實在太細膽、太緊張，最終被久哥揭穿做戲。
談到昨晚這場「假分手」，胡敏芝接受訪問時，笑言拍攝時不但因要打人相當緊張，還因拍攝機會只得兩Take，令Karen的壓力指數更高：「之前都有綵排要打邊個位，我自己係好驚嘅，因為我要打人，仲要打東閔（前輩）喎，都有啲壓力，其中一樣係驚係咁Ng。其實當時情況唔可以Ng，因為呢個係戲中戲，根據劇情東閔係要撕爛預先寫好嘅對白，嗰張紙係手抄嘅，total得兩張，所以佢淨係可以撕兩次、亦變相我只有兩次打佢嘅機會。」
Karen坦言拍掌摑戲時，緊張到聲震震：「係好驚呀，我寧願畀人打咯，我都驚佢會痛。但導演就教我一個方法，話如果我要作勢打佢、想顯得大力啲，我隻手係要向後發過去，同埋唔好打面珠，要打下巴對上少少，咁樣會冇咁痛，但又會有聲。我自己尋晚睇預告，都覺得拍出嚟好似好大力咁，但其實我唔係好用力架咋。」
最Hit
