發佈時間：09:00 2025-08-22
劉青雲與郭藹明結婚27年，有影皆雙，恩愛如昔，絕對是圈中的模範夫妻。劉青雲曾發表不生小孩的言論：「生小朋友能夠讓夫妻關係更緊密，如果我哋嘅夫妻關係已經非常親密，咁就唔使生小朋友嘞。」足見兩人甜蜜到暈！
兩人曾經分享夫妻相處之道，最重要是互相忍讓。不過，他們能夠十年如一日般溫馨甜蜜，當然還需要增添些生活情趣。日前，在灣仔的一間浴室專門店，本刊就發現郭藹明的蹤影。現場隱約聽見，她詢問改建浴室及新添一個按摩大浴缸的事宜，莫非想玩鴛鴦浴來為27年婚姻保鮮？
圈中模範夫妻 互相欣賞
現年61歲的劉青雲與57歲的郭藹明，一直是圈中的模範夫妻。劉青雲曾表示首次看見郭藹明時，因為路經錄影廠，見到鎂光燈打在台上，第一眼見到美艷動人的郭藹明，就已經開始喜歡她。之後，兩人一同拍攝《大時代》，劉青雲於是趁機打電話約她：「我約佢喺尖沙咀見面，佢開車，我帶路。喺車上，佢問我約佢出嚟嘅原因，以為我要向佢借錢，因為成個情況睇起來好似。哈哈！然後，我話俾佢聽：『我好想見到佢。』」就是這一句話就令他成功抱得美人歸！
拍拖初期，這段關係一直不被外界看好，原因是郭藹明擁有美國南加州大學機械工程系雙碩士學歷，又是1991年的港姐冠軍；而劉青雲則只是中學畢業，家底及學歷差距甚大。期間，兩人受盡閒言閒語，甚至曾被女方的父母反對；不過，這對情侶最終排除萬難，於1998年拉埋天窗。婚後，郭藹明淡出幕前，一心一意照顧家庭，幫老公投資理財創造財富，持家有道，絕對是超班賢內助。
結婚27年 人前人後非常恩愛
兩人結婚27年，人前人後皆非常恩愛，最大因素乃彼此互相欣賞，郭藹明直說：「我從來唔考慮背景同學歷，我唔覺得背景相似就一定是perfect match。喺老公身上，我學到好多待人處世之道。呢啲都係書本學唔到嘅。愛情本來就是兩個人嘅事。」
縱然夫妻間會因小事而爭執，但多年來劉青雲都會選擇做忍讓的一個，他笑說：「因為我大聲，老婆更大聲；我拍枱，佢會直接企上枱，而且佢一激動就會講道理、講英文，我就會投降了！一來，我英文冇佢咁好；二來，佢思維清晰，我亦嘈唔贏；三來，佢根本唔怕我嬲。但激嬲佢，我會被趕出家門！所以冇辦法，遇到呢啲情況，都係我先道歉。我唔會為咗面子鬥氣，因為最後傷心嘅仍然係我。」
延伸內容 : 出爐影帝劉青雲旺角晒恩愛 郭藹明陪老公睇中醫
延伸內容 : 劉青雲憑《爸爸》四奪最佳男主角 拍《大時代》與太太郭藹明結緣 報TVB藝訓班險失入學資格
劉青雲拆解不生之謎
兩人結婚多年也沒有生BB，有傳因為郭藹明的心臟不好，所以劉青雲不想她身體有負擔，於是放棄生育。關於生育的問題，劉青雲也說過：「我哋唔傳統，冇生小朋友嘅想法，結婚之後都係做自己想做嘅事。到後期年紀成熟，都有傾過之後嘅人生如何，大家都覺得𠵱家生活好好，就決定咗（唔生）。當然，有人覺得冇小朋友，可能失去寶貴嘅人生經驗，老實講，我唔覺得，我揀咗呢條路，就唔會去諗另一條路嘅風景，人生一定有得有失。」
事實上，劉青雲夫婦關係非常親密，亦不需要小朋友來維繫。早前，兩人就孖住黎耀祥夫婦一起到四川遊玩，大夥兒在導遊的帶領下，遊覽了峨眉山和樂山大佛等著名景點；而身穿情侶裝的劉青雲和郭藹明，雖然結婚快將30年，但從他們的肢體接觸，仍然看得出十分甜蜜。
除了一起「蜜遊」之外，郭藹明還有冧招增添情趣及保鮮婚姻。日前，在灣仔的駱克道，本刊就發現郭藹明的蹤影。當日，身穿便服孭着背囊的她，由7人車送抵；期間，她遊走了好幾間店舖，看花灑、水龍頭等浴室設備，接着又格價及比併質料，不愧是一個精明的消費者。之後，郭藹明進入了一間浴室專門店，記者於現場隱約聽見，她向店員詢問裝修家中的浴室，兼更換一個特大按摩浴缸的事宜。咁兩公婆咪可以大玩鴛鴦浴，羨慕死人囉！
《東周網》訪談系列節目《星桄伴我心》8月重磅嘉賓：
即睇：譚輝智親解拉姑寵愛之謎 爆喊陪最愛開刀「望住手術室盞燈，我真係好驚！」
即睇：楊思琦破天荒講跳水前度吳帥：「好多人話我貪慕虛榮！」 親揭神秘老公底細 收$1200傾偈5分鐘解謎 與13歲女兒獨家真情對話
