自小在屋邨成長的黎諾懿，由於窮而住劏房及捱麵包、公仔麵當正餐等，所以令他發憤圖強脫貧。2014年與美容院太子女李潔瑩結婚後，他就被封為「5億駙馬」，表面上理想達成。其實，他甚介意這個稱號，但從不反駁，因為他希望靠自己的努力做出成績，然後得到大家的認同。
廚藝了得的諾懿，最近就秘密入股飲食集團，成為33間餐廳的創意總監。正所謂力不到不為財，日前，在尖沙咀的一個大型商場，本刊便發現他正在巡視業務，由樓面、廚房、收銀、水吧等，他都一手包辦，並與員工密密斟打好關係；期間，他更落手落腳為客人沖調飲品，瞓身建立自己的飲食王國。

攞過綜援

現年43歲的黎諾懿，兒時一家五口住在屯門的公屋，原本樂也融融；可是，突然晴天霹靂，任職運輸工人的父親，因癌症離世；而寡母婆的黎媽媽，惟有咬實牙根獨力湊大三個兒子。當年的日子可想而知苦不堪言，一家人只好申請綜援解燃眉之急。
3兄弟排行第２的諾懿，曾憶述做小販的日子：「雖然有好多人住過公共屋邨，但都唔係好多人做過走鬼檔，我就試過呢！我媽咪整嘅蘿蔔絲酥餅、西米露好鬼好食㗎，當年佢就攞出去擺檔，為怕有人冚檔，所以街口有人專門睇水，佢哋通知走鬼，我哋就立即推住架木頭車快啲跑。另外，警察拉同埋房屋署拉係唔一樣做法。如果房屋署，只要我哋跑到去一個適當嘅位置，佢哋就唔可以拉我哋。」

獲讚滿分

原來，廚藝了得的諾懿，近年悄悄地進軍飲食界。早年，為餐廳主理月餅、糕點的他，最近就自爆斥資過千萬加入飲食集團，他打趣說：「我負責餐單設計和發展，角色如高級打雜。」問到目前身兼監製、演員及做飲食生意，會否分身不暇？他表示︰「3個範疇的目的都是想令人開心，我有信心應付得來。飲食集團現時已有超過30間餐廳，計劃今年內再開20間分店。我這樣做只是希望能在演藝工作外，做一門屬於自己的家族生意，將來可交給兒子接手，留多點東西給他們。」他笑言老婆有幫忙試食及給予意見，還讚他設計的餐單滿分。
諾懿的事業有新發展，黎太李潔瑩亦「升呢」成為「慧妍雅集」會長，不讓老公專美。而前任會長劉倩婷竟然呼籲諾懿入會，成為第一位男會員；不過，他立即耍手擰頭：「我又唔係香港小姐，作為一個男人，唔好搞亂晒呢啲屬於女人嘅會，老婆做到會長，我當然開心啦！我喺佢旁邊支持吓就足夠啦！」
事實上，諾懿身為33間餐廳的創意總監，已經忙得一頭煙！據悉，為了聽取顧客的意見，他只要不用開工，便會落餐廳巡視業務，目的是為了與顧客打成一片。日前，本刊在尖沙咀的一個大型商場內，便發現他正在一間西、日混合的餐廳打點一切。現場所見，身為老闆之一的他，由下午5時開始，便在樓面、廚房、收銀、水吧等走來走去；期間，他更走到水吧為客人沖調飲品，又在廚房試食了好幾口餸菜；而這亦是他的晚餐。在餐廳的５個多小時裏，他幾乎沒有一分鐘停下來，大家應該改口稱呼他做「黎總」，更加貼切！

身體力行

參加藝訓班入行的諾懿，雖然早年得到公司的重用，與林峯、黃宗澤、陳鍵鋒、吳卓羲及馬國明，被力捧成為「奧運六星」，可惜事業卻一直浮浮沉沉。而2006年拍攝《溏心風暴》時，他更跌入「貧窮線」，被逼搬到紅磡區的180呎劏房，一日三餐還要捱麵包及公仔麵過活。幸好，好兄弟鄭伊健出手幫助，才度過難關。其後，他憑劇集《不懂撒嬌的女人》的「賤Han」一角，演技開始備受肯定；接着《燦爛的外母》及《ＢＢ來了》終於上位成為「男一」。
事業開始順遂，感情亦開花結果。2014年，諾懿與身家「億億聲」的2007年港姐李潔瑩結婚。然而，因為夫妻家境懸殊、身家差天共地，他就被冠上「５億駙馬」的稱號。一直遭暗嘲夫憑妻貴的他，從不反駁，更笑說：「我有幾多錢，唔使同大家交代，我只注重老婆同埋雙方父母嘅感覺，你哋鍾意點講都冇乜所謂。」事實上，事實上為了擊破外間的閒言閒語，諾懿身體力行努力賺錢：「因為細個窮過，所以我好鍾意錢。」難怪，除了拍劇之外，他近年還進軍幕後，做綜藝節目的主持，更做埋監製。去年，他被傳有意離巢，但最終獲得樂易玲以優厚條件挽留，足見他在公司的地位更上一步。