發佈時間：20:00 2025-07-29
由譚俊彥、李佳芯、郭柏妍、胡敏芝和謝東閔主要的TVB新劇《麻雀樂團》於昨晚（28日）首播。第一集郭柏妍和胡敏芝都非常搶鏡，前者以4大造型亮相，其中一幕飲水鏡頭，更成為網民焦點；後者則透露今次參演劇集既緊張又興奮，因為幾乎集集都有份演出，所以身為新人的她要做足功課，除了記熟對白，更為了與謝東閔演情侶時更有說服力，極速減去逾10磅Baby Fat，感覺成熟一點。
譚俊彥演麻雀館老闆
《麻雀樂團》昨晚劇情講述「大龍鳳麻雀館」老闆司徒久（譚俊彥飾），因為某些原因收養了程朗（黃庭鋒飾）及程晴（胡敏芝飾）為弟弟和妹妹。由於司徒久為人頗專制，弟妹經常要借鐵姐（李佳芯飾）與他理論。劇情另一重點，是司徒久某日收到神秘USB，發現自己原來仲一個親生女沈家明（郭柏妍飾）。
郭柏妍4大造型搶鏡
劇中郭柏妍（Rosita）飾演大提琴手，首集已先後以高貴晚裝Look、Cutie Casual Look、毛毛Look和熟女Look現身，加上大眼睛及長腿，「腳柏妍」之名再度引起熱話。其中一幕飲水鏡頭，雖然只有短短1、2秒，網民笑言是清純版《新聞女王》經典飲水場面；另一幕著着毛毛動物衫的她，撥頭髮甜笑，相當吸睛。
胡敏芝演驚青妹妹戲份重
另一亮點是飾演與譚俊彥妹妹的胡敏芝（Karen），首集已佔很重戲份，可謂由頭帶到尾。她在劇中角色驚青又「鶉春」，十分害怕「大哥司徒久」，但昨晚一場「一家四口」食飯戲，為了幫二哥討回公道，她公然找出陳年錄音與司徒久「抗衡」，該幕Karen的演技相當生鬼，加上可愛的鄰家「眼鏡妹」造型，十分討好！
胡敏芝為襯謝東閔減磅
胡敏芝受訪時稱演繹角色有壓力又緊張，但同時又好興奮，「冇諗過監製肯用我呢個新人，仲集集都有我份咁濟，所以我要更加努力做好啲功課，因為始終經驗少，我除咗記熟對白，仲會highlight埋喺對白旁邊寫筆記記低角色嘅心情，令自己更容易代入。」除了做功課，Karen更刻意減去逾10磅，為的是與謝東閔演情侶時更有說服力：「我由45KG減到40KG，希望令自己冇咁baby fat，感覺冇咁細個，希望同東閔外形會襯啲。」
譚俊彥李佳芯交足戲
談到劇中與視帝譚俊彥和視后李佳芯有不少對手戲，胡敏芝感激二人對她十分照顧：「佢哋會成日同我哋食飯傾偈，同埋會帶住我、教我點樣可以做得好啲。好似即使鏡頭淨係影佢哋背面，大頭影住我，佢哋都會畀足戲我，幫我代入角色，好sweet、好專業。」
延伸內容：陳山聰帶頭PO瞓覺相找數 郭柏妍企棟棟睡姿有段慘痛經歷
延伸內容：劉穎鏇、郭柏妍組「查案女團Double C」「橙色女僕水著」造型巧吸睛 !
《東周網》訪談系列節目《星桄伴我心》7月重磅嘉賓：
即睇：馬國明揭媽媽與張國榮秘密關係 認扮過曱甴陪襯黃子華 爆2千個短訊追求老婆湯洛雯 激罕示愛：希望下一世都一齊
即睇：「絕世好男人」陳豪爆閨房情趣 每晩床上必做一件事 揭獨門絕招 力抗女藝人愛上自己
