更新時間：14:03 2025-07-19
發佈時間：14:03 2025-07-19
發佈時間：14:03 2025-07-19
TVB處境劇《愛回家之開心速遞》自開播以來收視持續高企，劇中角色深受觀眾喜愛。繼早前「高小姐」甄采浠及「Lisa」姜麗文等演員相繼離開劇組後，昨日（18日）又有演員宣布要告別《愛回家》了。在劇中飾演「池子孝」一角的阮政峰，透過社交平台宣布正式結束與TVB長達14年的合作關係，離巢當日正值為《愛回家》宣傳活動擔任司儀；活動完畢後，他與好兄弟周嘉洛相擁，忍不住流下男兒淚。
與周嘉洛相擁不捨留下男兒淚
阮政峰昨日IG分享了一段短片宣布：「各位，我離開TVB喇！我記得做呢個決定嗰日，我係做緊《愛回家》嘅MC，幫你哋做咗百幾場MC，最後一場道別都幾浪漫。」影片中可見，與他合作多年的拍檔「金城安」周嘉洛與他深情相擁，兩人皆難掩不捨之情，阮政峰更忍不住流下男兒淚，他續說：「其實開騷之前有諗過點樣同大家送別，我決定效法主播：『有緣再見，拜拜。』好開心同你哋並肩作戰咗8年，稱霸咗一年嘅收視冠軍，係我哋努力打出嚟。」
力Sell自己強項為未來作打算
阮政峰不忘在片中力Sell自己的強項：「如果你想學武術嘅話，你可以搵我，因為我係武術導師。又如果你想要啲創意配音稿，幫你錄埋VO，又可以搵我，因為我係隻dub。」他還不諱言稱：「當然婚宴、event MC，你都可以搵我啦，因為我係擁有百幾二百場經驗嘅氣氛MC。再唔係你需要人表演魔術，又可以搵我啫，因為我又係魔術師。最後，如果大家拍劇、拍戲，需要演員嘅話，都搵我！因為我由始至終都係一位演員。」
「池子孝」為觀眾留下深刻印象
現年32歲的阮政峰，自幼習武，師承著名武術家李暉。2011年透過第25期TVB藝員訓練班入行，初期擔任兒童節目主持及配音工作，其後參與多部劇集演出。在《愛回家之開心速遞》中，他飾演的「池子孝」與劇中妹妹「池美麗」的互動，以及與姜麗文角色的感情線，均為觀眾留下深刻印象。
延伸內容： 4年換4女 阮政峰車廂啜爆長髮女 斷正！
《東周網》訪談系列節目《星桄伴我心》7月重磅嘉賓：
即睇：馬國明揭媽媽與張國榮秘密關係 認扮過曱甴陪襯黃子華 爆2千個短訊追求老婆湯洛雯 激罕示愛：希望下一世都一齊
最Hit
