更新時間：22:00 2025-07-11
發佈時間：22:00 2025-07-11
發佈時間：22:00 2025-07-11
南京「紅姐」近日成為網上熱話，向來玩得又愛扮嘢的林盛斌（Bob），今日（11日）在社交平台抽水大玩對比圖，指這位「紅姐」撞樣他曾扮演的「TVB營業部徐小姐」，他更自誇魅力爆晒燈，直言如果「紅姐」可以食到千幾個小鮮肉，他條隊可以由尖沙咀排到上廣州！
「紅姐」被網民封為「千人斬」
這位38歲的「紅姐」已被官方證實是男性，又稱「紅爺」、「小紅叔」。他以女裝造型誘騙近1,700名男性上門進行性交，更將偷拍性愛影片上載到收費平台。事件不僅在內地引發熱議，更紅到東南亞地區如泰國、越南等地，「紅姐」被網民封為「千人斬」傳奇人物。
Bob指撞樣「TVB營業部徐小姐」
「紅姐」的男扮女裝Look喜感十足，與男星反串差不多。向來玩得又愛扮嘢的林盛斌（Bob），今日（11日）在社交平台大玩對比圖，將「紅姐」造型與自己經典的「TVB營業部徐小姐」女裝扮相並列。Bob搞笑自爆：「算啦，我認啦，其實單嘢係我做嘅。」更自信爆棚稱：「如果佢都食到千幾個小鮮肉，咁我條隊咪要由尖沙咀排到上廣州！」
Bob笑問網民邊個靚啲？
Bob不忘向網民拋出思考性問題：「講真，邊個靚啲？你想溝邊個多啲？唔准諗，即刻答！」更幽默保證：「最多我唔使你買牛奶、花生油同用品嗰啲。」展現一貫鬼馬本色，對比圖上載2小時，即引發網民逾4千個Like。
延伸內容：南京「紅姐」｜大叔扮女人變「千人斬」 假髮商即推「減齡斬男穿搭指南」抽水
《東周網》訪談系列節目《星桄伴我心》7月重磅嘉賓：
即睇：馬國明揭媽媽與張國榮秘密關係 認扮過曱甴陪襯黃子華 爆2千個短訊追求老婆湯洛雯 激罕示愛：希望下一世都一齊
最Hit
