發佈時間：14:54 2025-06-25
日前曾展望GM接受《東周刊》專訪時，除親揭他和葉蒨文（Sophie）的真實關係外，更自爆小時侯有過度活躍症，現時回想當年讀書的頑皮事件，也覺得極度誇張，他笑指，自己的活躍程度是可以跳爛了3張梳化。
東亞運動會表演拉丁舞
今年27歲的曾展望GM，出生於美國洛杉磯，3歲時隨家人移居香港，畢業於香港理工大學會計系。原來，他自細已有表演慾，喜歡參加話劇；另外，熱愛拉丁舞的他，更在東亞運動會表演過。2017年，因為在街頭接受《#後生仔傾吓偈》的訪問，怎料隔了約半年，節目組突然聯繫他， 並邀請他加入《#後生仔2 . 0》。相信命運的他說：「有啲嘢真係整定㗎，其實平時我係一個好少返學嘅學生，但係喺街接受訪問嗰日，因為喺學校約咗人見面，所以嗰日就着得齊整啲，咁啱嗰日我又早咗半個鐘放學⋯⋯半年之後就有人打俾我， 去見咗幾次之後， 就加入咗TVB。」
延伸內容 : 曾展望膽粗粗追女神 癡情男專訪 揭被禁與葉蒨文見面
延伸內容 : 驚爆曾展望有過度活躍症 嚴重程度去到老師都驚
延伸內容 : 曾展望《女神配對計劃》冧爆葉蒨文 人氣急升成熱搜 真正身份大起底!
活躍到跳爛3張梳化
眼前的GM文質彬彬，原來小時侯有過度活躍症，現時回想當年讀書的頑皮事件，也覺得極度誇張！他笑指，自己的活躍程度是可以跳爛了3張梳化：「當年我上堂，每一堂都要攞老師嘅簽名，集齊咁多個簽名之後，就拎去訓導處俾老師睇，少咗個簽名，訓導主任就會問：『你今日係咪曳曳，做過啲咩嚟？』我記得有一次上緊堂，自己無啦啦企起身，搵埋啲同學捉迷藏。當其時覺得好過癮，好high，個心諗，只係跟同學玩啫！當年，阿媽都未發覺我有呢個問題，佢只不過覺得我係比較活潑，比一般小朋友百厭咗啲啫。」
決心揾醫生求助 定時食藥
直至有一天，GM覺得要正視這個問題，因為他做每一件事都不能聚焦逾10秒；在他入讀大學後，因為自覺專注力去不到10秒鐘，會影響讀書，於是就決心去找醫生求助：「醫生同我講，我嘅過度活躍症都幾嚴重，需要食藥。我食咗藥之後，雖然平靜咗，但係就會有抑鬱嘅感覺，唔開心，做事提唔起勁；之後，我就用做運動及睇書來平靜自己，唔再食藥。」據悉，Sophie都有輕微的過度活躍症，難怪兩人那麼投契。
