發佈時間：17:59 2025-06-21
李思捷、黃智賢、麥包麥長青、曹永廉和唐文龍組成的男子組合Hey Brother，繼年初成團首推歌曲《我為人人》後，最近又推出另一新作《共唱輝煌》。為拍攝新歌MV，五子專誠在日出時份到西貢拍外景，期間不僅熱到大汗疊細汗，更慘被蚊子狂叮。李思捷續透露Hey Brother現已籌備第3首歌，此歌將又Rock又貼地講男人之苦。
黃智賢重拾初心
對於新歌內容，五人均指Hey Brother的組成為他們尋回不少入行的初心。黃智賢率先感觸地說：「我入行由青少年大使開始，跟住拍兒童節目，嗰段時間除咗參與幕前演出，亦會代表公司參加社區活動。雖然只係新人，但感覺自己做一啲有意義嘅工作，就如同一粒小螺絲發揮獨有嘅價值。但隨住時代變遷漸漸淡忘咗呢份初心；直至Hey Brother成立，大家出歌發放正能量，重拾當年做一粒小螺絲嘅感覺。」曹永廉則憶述他初入行最鍾意就是唱歌，他說：「我早期真係好鍾意唱歌，之後轉型拍劇，𠵱家竟然可以唱到歌，搵番個初心，希望歌曲可帶畀大家共鳴。」
咁熱拍MV流汗兼餵蚊
拍攝MV期間，為了捕捉旭日初升的畫面，五子在凌晨時分出發，由於天氣大炎熱，搞到大家都大汗疊細汗兼不斷餵蚊，麥包麥長青感嘆許久都未試過「03」通告，而今次拍MV的場地亦滿載他多年前在TVB拍古裝劇的回憶：「呢度係以前拍古裝劇成日嚟嘅地方，以前啲路都未整好，我哋要着住古裝衫行半個鐘，夏天真係一身汗，唔知道後生時點解咁捱得，𠵱家要我行，真係頂唔順！不過好開心，可以同幾兄弟一齊咁早起身拍MV，大家都冇帶櫈仔，企足一朝早，曬到皮膚都變黑晒！」
李思捷恨一齊拍戲
至於唐文龍就表示今次拍MV經歷天氣變化，寓意黑暗過去會迎來美好將來：「上次個MV喺室內拍攝，相比之下今次拍攝時間較早，啱啱出發時仲落緊雨，但抵達現場後雲霧散去，天朗氣清，似意味住遇到困境毋須意志消沉，柳暗花明又一村，畀大家鼓勵。」他慶幸拍攝過程很順利，難得在場所有人都忍住蚊叮蟲咬及猛烈陽光，這次拍攝經驗非常深刻。
現已籌備第3首新歌
此外，Hey Brother現已籌備第3首歌，此歌曲風較為活潑貼地，主題為男人之苦，並以幽默手法發放正能量。李思捷隨即透露第3首歌會很Rock，他也意想不到他們5位叔叔竟有新突破，想必會為觀眾帶來新鮮感，並熱切期待新歌繼續誕生。問到五子會否嘗試不同類型的表演時，李思捷直言：「我哋5個想一齊拍戲，因為大家喺演戲上都有豐富經驗，相信出嚟效果會更過癮。相比年輕時，我哋𠵱家人生經驗多咗，希望透過作品令觀眾笑一笑，分享快樂俾大家。」
延伸內容：男團「HEY BROTHER」首出合唱歌 李思捷稱各有擔當冇隊長 期望與溫拿合唱和擺獎
《東周網》訪談系列節目《星桄伴我心》6月重磅嘉賓：
即睇：75歲翁倩玉爆初戀情人秦沛畫卡通追求 隨緣孤身走情路 紅着眼憶重病父 為見愛妻堅持站起來
即睇：「蝦頭」楊詩敏父母離婚有陰影 愛情受重傷 細訴同火火轟烈戀情
