發佈時間：17:36 2025-05-31
今日5月31日端午節，TVB直播《沙田龍舟競賽2025》，由安德尊、麥美恩、鍾志光、何泳芍及何沛珈主持。TVB亦有派代表出賽，今年照舊由王俊棠領軍，並加入新血黃建東等；雖然賽前信心十足，但可惜最後扒包尾。一眾主持身為TVB一份子，他們對於自己友的成績似乎不太滿意，竟在節目中狂踩，即引起網民熱議。當中以安德尊最激，原來去年他與王俊棠已積怨。
網民批評安德尊表現欠得體
今日有網民在Threads批評安德尊主持《沙田龍舟競賽2025》時的表現，除了指他的聲音很吵耳外，在節目中狂踩自己同事在龍舟比賽中的表現，認為他說話欠得體，更指戥他的拍檔麥美恩慘。麥美恩也有留言回應網民批評說：「多謝你有留意。」對於有網民指安德尊不尊重努力練習的同事，麥美恩回應：「我叫咗大王出年扒龍舟。」
安德尊鍾志光狂踩TVB龍舟隊
其實安德尊在TVB龍舟隊出場前，已被麥美恩提點：「講好說話，幫幫手。」安德尊即回應：「棠哥係我哋TVB龍舟隊嘅靈魂之首，每年我都寄望佢係勝利靈魂之首，但每年都未能勝出，咁樣係咪有啲難受呢……點都好，正面啲同佢打氣。」
而TVB龍舟隊在賽前受訪好有信心，更大叫口號：「TVB今年一定Win！」王俊棠更向鏡頭表示：「大家一定要睇住我哋贏呀！」但在比賽中一開始已經大墮後，連旁述的鍾志光都說：「一條心、一條船，搞掂佢。但𠵱家似乎畀人搞掂多啲喎！唔算太慢，不過唔夠前面嗰啲快。」連何沛珈都加入戰團話：「留力留力……留力鬥後。」最終TVB龍舟隊成為最後一名，鍾志光表示：「恭喜TVB龍舟隊順利完成比賽。」
何沛珈指TVB龍舟隊「鬥後」被嘲
TVB龍舟隊今年參與無綫盃的成績再被安德尊狂嘲：「連個攝影師影住佢，都係影一下就走咗去；個盃係我哋嘅，你都影多兩秒啦！都唔緊要，但頭先王俊棠誓神劈願向住觀眾『你睇住啦』，我仲聽到一句，嗰個何沛珈話『留力鬥後』，鬥後？」麥美恩嘗試解釋：「佢應該係想講留前鬥後，不過我都覺得係有啲後㗎喇……」幾位主持的言論，即引起網民關注。
安德尊王俊棠去年比賽已積怨
事實上，安德尊與王俊棠去年已在龍舟比賽直播節目中積怨，安德尊隔空批評王俊棠「黑口黑面」做鼓手、一人累全家，事後王俊棠受訪反斥安德尊：「條友口水多過茶，成日吹水唔抹咀，話我累全家，一於家法侍候，『槳』佢個嘴。」想不到今年安德尊沒有收火之餘，連鍾志光、何沛珈等都加入戰團踩自己友。
延伸內容： 安德尊寸爆王俊棠！扮大佬兼掛住搵錢連累全家
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
即睇：羅敏莊揭陳國邦屋企真面目 爆黃日華改名黃日謙 教講趣味泰文
