發佈時間：17:32 2025-05-08
女團COLLAR成員Winka陳泳伽，昨日（7日）推出年度首支個人單曲《今期不流行》，相隔約1年再出，皆因過去一年，Winka的身體和聲帶出現一些狀況，令她灌錄這首歌也要押後至今。Winka表示雖然聲帶已不能百份百回復昔日聲線，但仍樂觀面對，對新聲線亦會接受和適應，希望大家喜歡她新的歌聲。
寫苦戀望陪大家走過
《今期不流行》由黃偉文填詞、黃兆銘編曲、Winka亦有份參與作曲，歌曲以苦戀為主題，希望透過歌曲為苦戀路上的人作鼓勵，Winka說：「大家覺得苦戀係好痛苦，唔知點樣走出困局，但有時要勉勵吓自己講『今期唔興，唔好再為對方傷心太多，要做一個開心、堅強嘅人』，所以我想寫一首歌陪伴大家痊癒。其實愛情只係生命裡其中一個範疇，相信之後遇到嘅人和事，唔會畀今日差。」
長沙泳灘拍MV別具意義
為呈現歌曲的氛圍，MV特意到大嶼山下的長沙泳灘拍攝，Winka續說：「其實呢個沙灘，對我嚟講係一個特別回憶、情感嘅地方，因為佢係我6年前（未入COLLAR）自己拍Cover搵嘅沙灘，所以今次拍MV，我有同製作組提議過，好開心，佢哋真係揀咗喺呢個咁偏僻嘅沙灘取景。」
Winka又會在MV中跳現代舞，她說：「其實加入現代舞嘅決定係比較臨時，現代舞對我嚟講較陌生，唯有不斷向身邊跳開現代舞嘅朋友問意見，算係一個挑戰。」
Winka接受永遠適應𠵱家把聲
提到相隔11個月後再推單曲，Winka透露：「《今期不流行》原定上年推出，但當時身體同聲線都出現咗一啲狀況，所以一直要等身體狀態好啲先錄，而今次錄都係要慢慢咁錄，仲特登深夜凌晨先錄，帶出脆弱聲線，所以把聲沙沙哋。其實我𠵱家聲帶永遠冇得好番，就好似出雀斑咁，只可以淡化，我接受永遠適應𠵱家把聲，同埋𠵱家瞓少咗、飲少咗水就會有啲聲沙，但覺得新嘅聲線都OK，希望大家會喜歡！」
延伸內容：Nowhere Boys邀Winka@COLLAR合唱《異人之野望》 鼓手Nate化身關主迎戰 真刀上陣拍MV
延伸內容：6年情玩完 揭Winka＠COLLAR 速撻四眼男
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
