發佈時間：09:33 2025-04-10
久未在幕前露面的梅小惠，與兩位好友阮兆祥和江欣燕，一齊主持TVB的節目《友乜唔講得》，三人除了分享娛樂圈的趣事之外，還邀請不同的嘉賓大爆娛樂圈的秘聞，因而令她再度備受注視。
「以其人之道，還治其人之身」，小惠的昔日好友、著名漫畫編劇劉定堅，便在其網上頻道爆料，指出當年卜卜脆的小惠，與「香港漫畫教父」黃玉郎的徒弟、曾主編經典漫畫《龍虎門》的張萬有，有過一段鮮為人知的情緣。
與曾偉權合拍劇集撻着 13年情玩完
下周四（4月17日）便59歲的梅小惠，1985年參加健美小姐入行，拍過近40套劇集，代表作包括：《他來自江湖》、《皆大歡喜》、《娛樂插班生》等。當年20出頭的小惠，與曾偉權合拍劇集《滿堂紅》，經任職監製的胞姊梅小青撮合下，兩人很快便撻着展開戀情，並火速共賦同居。當年，外間以為兩人「打風都打唔甩」，怎料於1999年9月，有指大馬歌手葉麗儀介入，結果13年的「曾梅戀」玩完。
2015年，小惠在電台節目《月光光呵呵呵》中，提到感情事：「每人都有自己的選擇，如果我們沒有問題出現，也不會有第三者出現。」她更以一隻打碎了的杯作比喻：「我不會接受一隻碎了的杯，黐好扮作沒事繼續使用，即使可以盛水，也始終有裂痕。」而曾偉權亦曾向傳媒表示，指自己愧對了舊愛小惠，蹉跎了對方的青春：「始終跟小惠一齊咁耐，好似蹉跎佢時間咁，對佢不太公平，時間對女人好寶貴，男人就40、50歲都冇所謂，呢方面我真係對不起佢。」
梅小惠被目擊與猛男開餐
分手後一直單身的小惠，亦曾透露曾偉權是她的初戀：「我最大挫折係成世人只得一段愛情，呢個先至係人生最大挫折！」2020年11月，曾偉權因癌病離世，小惠就表示：「我冇乜嘢，我只會記得佢保護我，佢係好演員，曾教導我，又會車出車入，我想食腸仔包，佢又周圍去搵俾我，呢啲就係美好嘅回憶！ 」
直至去年，一直零緋聞的小惠，竟在520（5月20日）當日，收到了一樽價值不非的茅台浸冬蟲草，她還強調是「Super 520 gift」、「愛心炮製」、「獨一無二」，更加上心心的emoji公仔，令她一臉冧爆！此外，在去年6月，小惠又被街坊目擊與一位疑似男友的猛男及幾位朋友，現身紅磡街市的平民熟食市場開餐。當時，小惠還不時情心款款的望實男方，疑似有新戀情。
秘戀黃玉郎徒弟張萬有
近年甚少在幕前露面的小惠，與兩位閨密阮兆祥和江欣燕，一齊主持TVB的節目《友乜唔講得》，三人除了分享娛樂圈的趣事之外，還邀請不同的嘉賓大爆娛樂圈的秘聞。而小惠的昔日好友、著名漫畫編劇劉定堅，就「以其人之道，還治其人之身」在其網上頻道爆料，指當年卜卜脆的小惠，有一段鮮為人知的戀情。
當年，劉定堅既是無綫的編劇，又秘撈玉郎機構的漫畫書編劇，結果造就他將小惠與黃玉郎的第二位徒弟張萬友拉埋一齊，他憶述：「我同梅小姐講，話帶佢去見我一個朋友，我就帶佢去張萬有間房喇！」兩人就是這樣邂逅，並且開始發展。劉定堅續說：「張萬有銀紙又多，又單身；仲有，半山有層兩千萬嘅樓，仲有架波子，咁好條件，呢件益你呀！」
爆同張萬有「閃電」分手真正原因
不過，過了一段日子，小惠就向就「媒人公」投訴；而劉定堅就扮她手舞足蹈地複述：「我（梅小惠）坐佢（張萬有）架波子，每一次掟彎，佢都會講同一句嘢，佢話掟彎呢，唔知幾多波轉幾多波，點樣轉波，點樣扭過去呢⋯⋯佢次次掟彎都係咁講，講完又講，跟住我擰歪塊面，表示我唔想聽，佢唔理你㗎喎，copy完再copy，講得好high、好興奮，佢唔理你個態度點喎！」
對張萬有的不滿，小恵又點只咁簡單：「佢車我返屋企食飯，佢個工人鬧鬼佢，做乜帶人返嚟食飯啫！冇預到吖嘛，係咁鬧佢⋯⋯嗰個工人嚟咋，你估係阿媽咩？佢鬧你，炒得啦！佢仲頭耷耷，之後佢車我去超級市場買嘢。」跟着，發生的事情更導致兩人快速「玩完」。
劉定堅繼續聲演小恵狂呻：「到超市泊低架車，佢入去買嘢囉，我留喺車度。佢掹咗條車匙，噼啪就閂埋咗度門。邊有男人咁樣㗎，冷氣又熄埋，焗死我喇就快！當時個心諗，大佬呀，搞咩呀，掹咗條車匙，雖然係波子啫，都會焗死人㗎，冷氣都開吓俾人吖，大熱天時！」結果，梅小惠同張萬有當然就「閃電」分手喇！
《東周網》訪談系列節目《星桄伴我心》4月重磅嘉賓：
即睇：倪樂琳曾因心口胎記感自卑 爆媽媽鍾意某男星
即睇：黃秋生剖白人生幾段情 愧對亡母，對花槽祭父，大仔生死劫，細仔嗲功攞錢
