發佈時間：10:19 2025-04-06
近年，在電視圈冒起的玄學家黃楚淇，原來已經入行33年，她坦言一直沒有專注在香港發展，原因是遭任職審計師的爸爸反對，她坦言：「我好細個就已經鍾意玄學，8歲開始學易經，但係爸爸唔信風水命理，於是我就要喺東南亞、北美等地方發展。早幾年爸爸過身，於是我就將個基地搬返嚟香港，以及全力照顧我媽媽。」
走進黃師傅位於東半山的1,600呎豪宅，景觀開陽，面對茂密的樹林景致，身心舒暢，她表示這裏才剛剛裝修好：「其實一個家居最好就係10年做一次大裝修，因為咁樣可以跟住個運勢去改變，只要運好，啲裝修錢好快就賺返嚟啦！」她還有一個別樹一幟的理論：「我已經50幾歲，有好多人都話唔似，其實只要你嘅運好，個樣都會變靚啲。
成功預測22場比賽的勝負
入行33年的玄學家黃楚淇，最令人讚歎的一次批算，便是在2014年的世界盃期間，她為一個體育頻道做節目，成功預測22場比賽的勝負，當然包括德國隊擊敗阿根廷隊勇奪冠軍，其時，她都覺得毛管戙：「我事前要計算好多嘢㗎，例如將踢波嘅隊員同教練出生日期、隊伍當日服裝顏色，球賽時間，好多嘢加埋一齊先至推算出嚟。做完之後，唔知係唔係因為洩漏天機，我事後足足病咗兩個月。」
黃師傅直言自己的做法有別於其他的玄學家；而自稱是「調運派」的她，主要是透過時尚理念結合傳統學術去改變命運，譬如：飲食、服裝結合改名、風水等。她表示常見的師傅是命理派，即看八字知道命運及生死，但她就以八字的五行、用神，再運用時尚實用方法來調整後天的運程。
她侃侃而談：「好似我咁樣，我係水型人，火係我嘅財星，土係我嘅官星，所以每一日我都會根據我自己需要嘅嘢去調運；又例如我條命要火，所以每一日陽氣最盛嘅時候，即係朝頭早5點至6點呢段時間，就會起身去做健身同埋修練氣功，增強自己嘅陽氣。」
五行計算五餸一湯 至強補氣及調理身體
至於食療方面，黃師傅每一日的辰時（上午7點到9點）就會開始進食，以五行計算的五餸一湯，作為早餐，運用這種方法去補氣及調理身體，她再分享說：「每個朝頭早，我都會飲海參、花膠燉桂圓嘅雞湯，好似好複雜咁樣，但係我之前一晚就會整定，幫自己補氣血。犯太歲嗰一年，我就會食麻辣辟邪同補一補我啲火；另外，初一、十五，我又會食紅豆沙。總之，我係每日都揀適合自己八字顏色嘅衫着，咁樣可以補我嘅運。我已經50幾歲，有好多人都話唔似，其實只要你嘅運好，個樣都會變靚啲。」
年過半百的黃師傅，近年才在娛樂圈嶄露頭角，她解釋主要原因是關審計師爸爸的事，她娓娓道出：「我爸爸佢相信數據及科學，佢覺得做玄學家係一種好虛無飄渺嘅職業，一啲都唔實在，所以佢極力反對，我惟有喺香港以外嘅地方，好似東南亞、北美等地方發展。」
家居重新裝修 改變家中氣場
為了在香港住得舒適及改一改家中的氣場，半年前，黃師傅就開始將住了10多年的家居重新裝修，她表示：「其實，家居每10年就應該要大裝修一次，2004年至2023年係行八運，2024年後行九運，一間屋退咗氣就要重新裝修，加上人嘅大運10年一個周期。我計番自己嘅八字，冬季出世要火，由於木生火，所以我成間屋都係用原木嘅材質同暖嘅顏色。」
走進黃師傅位於東半山1,600呎的香閨，景致開陽，客廳樓底非常高，她表示客廳的天花不能夠太低，因為這是屋企納氣吸財位，就好像一個大肚腩先至可以裝滿金錢，她解說：「我經常請朋友上嚟屋企聚會，陽宅需要有陽氣自然健康運好！因為間屋只係得我同媽媽住，所以必須要多啲聚會，令到間屋熱鬧啲。」
2024年進入下元九運，南面見山、北面見水、丁財兩旺，因為黃師傅八字缺火，所以她就會在朝南的陽台曬太陽及歎紅茶，間中亦會在南面的窗戶，一邊彈古琴一面曬太陽，陶冶性情兼補運，一舉多得！
