發佈時間：14:41 2025-03-10
《中年好聲音2》季軍顏米羔近日被朋友於網上公開追數，追數人於網上公開多張與顏米羔私訊的對話截圖，指顏米羔於2022年12月之後一直拖欠金錢，及至去年6月追數人兩度聯絡顏米羔，都未能成功追收欠款。昨日（3月9日）是44歲生日的顏米羔，於個人社交網交代事件，指自己已即時清還20,000港元欠款更多付5,000，但亦同時向追數人指，他公開事件對自己傷害很深。
顏米羔生日流流 被公開追債
一名網名叫「loe71287」公開在社交網追數，貼出多張疑似與顏米羔私訊的對話截圖，還hashtag顏米高。追數人指：「Mic-go 師父生日快樂，一個係2022年尾，要做足十二個月嘅job。係你參加中年好聲音2之前嘅事。今日已經係2025年3月都唔覆我幾時找數。因為WhatsApp 你一直唔覆，你嘅好兄弟之一嘅我迫不得已要係呢度問你打算點。但係你個另一好兄弟間agceny公司話已經出哂錢畀你。需要詳盡故事的話，我會慢慢update。#米羔 #顏米羔 #micGOHashtag 係threads唔係咁用，不過我都參考下」。
之後追數人先後於去年6月25及30日向顏米羔發出短訊問：「幾時找數？」疑似顏米羔回覆：「兄弟，其實我由上年到而家都無工作收入，得啲好散嘅Job仔維持住，叫做好彩無咩要特別洗錢。比賽完到而家都未收到公司一蚊糧，生活精彩，但未有落袋，一分匹布咁長，搵日見面，好耐冇傾偈喇，我都經歷咗一個好難形容嘅旅程，辛苦但係堅持，我記得架兄弟，我會盡快settle。」追數人之後反覆聯絡對方，及至昨日再發短訊，但仍然沒有回音，或因此原因決將事件放上網。
顏米羔稱已道歉並處理款項
事後，顏米羔即於個人IG表示：「就今日3月9日有一位朋友在Threads發表，有指2022年未支付一個工作薪金2萬元，本人承認與對方溝通不足，導致對方不安，亦已與對方道歉並處理款項。事件處理完畢後，才發現有傳媒，在未聯絡本人尋找回應前，經已轉載及報道，故本人決定在此重新作出回應。多謝大家關心，收到晒大家嘅生日快樂」。
顏米高笑指風水佬都話今年有官非
另外，顏米高昨日接受《星島頭條》獨家訪問時，就欠債事件，他就用輕鬆態度苦笑說：「世界規則唔止係我，個個人做嘢都辛苦㗎啦，生活過得開開心心就得啦。又唔算係掙扎求存，知慳識儉咪得囉，我又唔係食得多嘢，見我身形就知啦。認識我嘅人都知我喺度默默做。」對於今次被公開追數事件，他形容已即日處理，搞掂咗及件事完咗喇！他補充說：「其實我係有唔啱嘅，覆得太慢又唔知點答，放低咗又唔記得咗件事，咪引發到今日咁囉。」他再帶笑幽自己一默：「風水佬都話我今年有官非，希望應咗之後就順順利利啦，yeah!」
《東周網》訪談系列節目《星桄伴我心》2月重磅嘉賓：
即睇：七仙羽被鬧神棍 爆喊剖白被欺凌 : 個個都笑我騎呢！
即睇：林盛斌Bob曾當選「我最討厭藝人」冠軍，被踩是垃圾 正能量反省：我做錯咗咩嘢？
即睇：李珊珊罕談舊愛錢嘉樂 剖白患驚恐症瀕死感覺 : 我會活好呢一生!
即睇：朱慧敏第二胎B仔出咗世啦！分享懷胎湊B心得 收蘋果批做結婚周年禮物 又喊又笑講「愛的宣言」
《東周網》訪談系列節目《星桄伴我心》3月重磅嘉賓：
即睇：喬寶寶細仔不良於行 陪伴中風病母 感觸落淚：見得幾耐得幾耐
