發佈時間：13:40 2025-03-01
由鄭中基（Ronald）自導自演的犯罪動作電影《阿龍》即將上映。由創作到電影誕生，Ronald面對不少難題，當中最艱辛是擔任男一的他，如何在半年時間內增完磅再減磅，練成一身爆肌「阿龍」，由瘦蜢蜢變大隻，皆因他要救回在泰國被擄走的女兒。在最新發放的電影製作特輯中，Ronald首次剖白為了部戲可以去到幾盡，超辛苦的健身過程也首度曝光。
8歲女兒被擄走
該電影是鄭中基與胡耀輝（Mark）聯合執導、並夥拍周秀娜、姜皓文和傅舜盈等主演。電影講述由鄭中基飾演的阿龍，與8歲女兒（傅舜盈飾）到泰國旅行時，女兒竟被當地人口販賣集團擄走，阿龍不惜付出一切代價，為了留下不惜與當地華僑周秀娜結婚，從中查探，也要將瘦蜢蜢的自己變成大隻，誓要救回女兒。
睇少一眼就出事
當初Ronald想拍這部戲，鑑於看到一些新聞報導時，發現很多家長因對子女一時疏忽，導致很多小朋友發生了意外，所以他很想透過這部電影帶出一個訊息：「小朋友只要你睇少一眼，就可能鑄成大錯。」
3大難題要解決
電影Message好清晰，可惜面對這部戲的拍攝內容，有3大難題要先解決。Ronald苦笑逐一道出。
第1難題：暴力程度平衡得好
「阿龍報仇嘅過程，要控制暴力程度，若過份暴力會令觀眾不安，但又想借呢種不安來警惕父母、家長，不能對小朋友疏忽。」
第2難題：拍完要停半年再拍
「我哋要分開2個階段拍攝，第1部份要先增磅，於是每日我都要食好多餐，否則唔夠肌肉，一時間要食咁多嘢，真係好辛苦！到拍完又要停半年Keep Fit收身，呢個比增磅仲艱辛，開始要節食，但只可以食雞胸肉，其他肥膩食物全部唔食得，但有工作人員日日用雞脾嚟引誘你；食已經冇啖好食，仲要跑步鍛錬體能。」最後階段Ronald原對自己狀態不算滿意，幸好老闆和Mark都收貨。
第3難題：小朋友大得快難等
飾演阿龍8歲女兒的童星傅舜盈，一樣不能等得太耐，因Ronald覺得小朋友大得快，身為父親的他，亦經歷過子女快速成長的過程，他表示完全明白時間不可以等人，尤其是小朋友：「盈盈可以短短幾個月長高，又或者因為換牙而甩牙。」
儘管面對種種困難，但Ronald拍住Mark與拍攝團隊，皆上下一心一齊克服，造就了今次《阿龍》這部電影。
延伸內容：直擊鄭中基冷落老婆 揭與經理人曖昧關係
延伸內容：揭鄭中基與經理人曖昧關係 直擊同老婆同枱食飯零交流
《東周網》訪談系列節目《星桄伴我心》2月重磅嘉賓：
即睇：七仙羽被鬧神棍 爆喊剖白被欺凌 : 個個都笑我騎呢！
即睇：林盛斌Bob曾當選「我最討厭藝人」冠軍，被踩是垃圾 正能量反省：我做錯咗咩嘢？
即睇：李珊珊罕談舊愛錢嘉樂 剖白患驚恐症瀕死感覺 : 我會活好呢一生!
即睇：朱慧敏第二胎B仔出咗世啦！分享懷胎湊B心得 收蘋果批做結婚周年禮物 又喊又笑講「愛的宣言」
