發佈時間：13:41 2025-02-14
43歲「黃金剩女」胡定欣自從2016年音樂人陳明道（Terry）分手後，單身多年，去年承認感情有着落，卻一直將男友身份保密，直到早前有指其男友是年輕有為的醫美醫生，而且對胡定欣愛護有加，所以這段「姊弟戀」愛得火熱。去年9月胡定欣生日，洪永城夫婦曾貼上為她慶生的相片，到了今年農曆年梁諾妍又發現與胡定欣齊齊滑雪，即時有不少人認定胡定欣可以脫單，全靠洪永城。
洪永城其後回覆傳媒，就爆指真正的「功臣」係有「金牌媒人」之稱的林盛斌阿Bob至真。洪永城說：「我只不過介紹佢哋認識，真正撮合佢哋嘅係Bob（林盛斌），Bob爺先係功不可沒。」對於胡定欣男友的身份，洪永城只說：「細節嘢留番定欣自己講，但有幾樣嘢可以講吓，佢係一個專業外科專科醫生。」
林盛斌承認又做媒人
林盛斌就此事，他以短訊回覆《星島頭條》：「係呀，又係我呀，我最鍾意做埋呢啲嘢㗎啦，見到定欣開心，我就最開心，我知道男嘅對佢好好，好細心嗰啲，大家都好甜蜜，我相信佢哋會繼續幸福快樂，開花結果，衷心祝福佢哋。」愛得火熱的胡定欣，在2月12日元宵佳節首晒與男朋友的合照並說：「親愛的，元宵節快樂！」雖然兩人穿上滑雪裝，包到實一實，但從兩人的身體姿勢來看，醫生男友以左手搭着女友的左邊肩膊，而胡定欣則小鳥依人嘟起小嘴，已經感受到溫馨。
洪永城讚胡定欣男友滑雪特別英勇
洪永城又爆當時滑雪的情景：「陳醫生滑雪就非常了得，滑雪時特別英勇，定欣同我都一齊學習，全程都係陳醫生帶領同照顧我哋，陳醫生係一個對人無微不致，照顧有加嘅醫生，見佢哋PO咗啲相，祝福佢哋，佢哋係一對好Sweet嘅Couple嚟！」
林盛斌堅持為胡定欣揾好男人
胡定欣自從2016年音樂人陳明道（Terry）分手後單身多年，阿Bob曾揚言會幫手介紹，他曾在陳敏之YouTube Channel節目《Chi Chat》中表示，下一個目標就是要令胡定欣脫單：「下一個我一定要搞掂佢就係胡定欣，佢一定得㗎！」林盛斌還透露他曾經問過一些男仔覺得胡定欣如何，得到的答案通常都是好惡，但林盛斌大讚女方不只漂亮，又孝順、獨立、有經濟能力，絕對是好女朋友首選，更表示自己會努力，為胡定欣找到一個幸福的對象。
